Шала-шарпы

Шала-шарпы. Толық емес, жартылай; шалағай. «Қыздар қуанып шала-шарпы киінді» (I. Жансүгіров, Шығ.). Қос сөздің бізге екі сыңары да түсініксіз. Алайда, тува тілінің дерегіне қарағанда, «шала»-ның да, «шарпы»-ның да мағынасын табуға болады. Мысалы, «шала» қазақ тіліндегі «жартылай» мағынасында қолданылады. Ал қос сөздің екінші сыңары — дыбыстық өзгеріске ұшыраған біздегі «жарты» сөзі. Сонда «шала-шарпы» мағынасы —«жартылай-жарты» болмақ.