Эмма Михайловна Антоненко

Эмма Михайловна Антоненко (1930, Ресей, Куйбышев қаласы - 1986) - геологиялық-минерал, ғылым кандидаты (1962). Қазақ тау-кен және металлургия институты (қазіргі Қаныш Сәтбаев атындағы ҚазҰТУ) геологиялық барлау факультетінің геофизикалық бөлімін бітірген (1955).

• 1955-57 жылы «Қазтүстіметбарлау» тресінің Түлкібас геологиялық барлау партиясында инженер-геолог болып жұмыс істеді.
• 1957 жылдан Қазақстан Қаныш Сәтбаев атындағы Геологиялық ғылымдар институтында аға зертханашы, кіші ғылым қызметкер, микросейсмо аудандау секторының жетекшісі болды. Қаныш Сәтбаевтың тапсыруымен, институт тарапынан, Оңтүстік Қазақстанның бірнеше қалаларында және Алматыда жоғары дәлдікті сейсмоаппаратпен микросейсмикологиялық аудандау карталарын жасады (1962).
• 1967 жылдан Қазақстан Ғылым Академиясын Төралқасы жанындағы сейсмикологиялық зерттеулерді үйлестіру жөніндегі комиссияның ғылыми хатшысы,
• 1972 жылдан КСРО Ғылым Академиясының инженер-геология жөніндегі комиссиясының мүшесі,
• 1974 жылы Қазақ КСР Мемлекеттік құрылыс ғылыми-технологиялық кеңесінің мүшесі болып бекітілді. Ғылыми-зерттеу жұмыстарының практигі, қорытындылары Шымкент, Жамбыл, Талғар, Қаскелен қалаларында пайдаланылды.