Қазақстанның елу жылдығы атындағы парк
Қазақстанның елу жылдығы атындағы парк ашық аспан астындағы мәдени ағарту мекемесі, Қарағандының шығысындағы Әлихан Бөкейхан ауданының Майқұдық тұрғын массивінің солтүстік бөлігінде (басты қақпасы — Магнитогорск қаласы жағында), 1967 жылы ашылған, ауданы 12 га. Ағаштардың негізгі тұқымдары: қараағаш, қайың, үйенкі, көктерек, итмұрын т. б. Гүлзарлар, газондар, аллеялар бар. Би алаңы, жазғы эстрада; «Умка» кафесі, 9 аттракцион, бүлдіршіндердің ертегі қалашығы жұмыс істейді. Паркте жаужүрек пионер В. Дубининге ескержіш (авторы ҚазКСР-інің еңбек сіңірген өнер қайраткері Ю. В. Гуммель) орнатылған. Қоғамдық-көпшілік және мәдени-ағарту жұмыстары, кәсіптік мейрамдар, еңбек озаттары, соғыс және еңбек ардагерлерімен кездесу, көркем өнерпаздар ұжымдарының өнер керсетулері және спортnық жарыстар өткізіліп тұрады.[1]
Дереккөздер өңдеу
- ↑ Қарағанды. Қарағанды облысы: Энциклопедия. - Алматы: Атамұра, 2006. ІSBN 9965-34-515-5
Бұл мақаланы Уикипедия сапа талаптарына лайықты болуы үшін уикилендіру қажет. |
Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|