Қазақстан Республикасы Мұнай және газ өнеркәсібі министрлігі

Мұнай және газ өнеркәсібі министрлігі - 1994 жылы бұрынғы Қазақстан Республикасының Энергетика және отын ресурстары министрлігі екі министрлікке - "Өнеркәсіп және көлік министрлігіне" және "Мұнай және газ өнеркәсібі министрлігіне" - бөлінуі нәтижесінде құрылды. Мұнай және газ өнеркәсібі министрлігінің қарамағына "МұнайГаз" Мемлекеттік холдинг компаниясы, "ҚазақГаз" Мемлекеттік холдинг компаниясы, бүкіл мұнай-газ өңдейтін зауыттар мен мұнай-газ тасымалдау кәсіпорындары берілді. 1997 жылы кәсіпорындарды акциялау жүргізілгеннен кейін бұл министрлік таратылды. Мұнай-газ кәсіпорындарының мемлекеттік акциялары жаңадан құрылған "Қазақойл" және "Қазтрансойл" Ұлттық компанияларына берілді. Мұнай және газ өнеркәсібі министрлері: Р.Т.Шардабаев (1994 жыл), Н.Ө.Балгымбаев (1995 жылдан минстрлік таратылғанға дейін).

Дереккөздер

• Қазақстанның мұнай энциклопедиясы. 2 томдық - Алматы: "Мұнайшы" Қоғамдық қоры, 2005. ISBN 9965-9765-1-1