Қанат Әуесбайұлы Әуесбай
Бұл мақаланы Уикипедия сапа талаптарына лайықты болуы үшін уикилендіру қажет. |
Қанат Әуесбайұлы (ағылш. Kanat Auyesbay, журналистикадағы имидждiк есiмi Әуесбайдың Қанаты[2]; 14 қаңтар 1982 жылы, Жамбыл қаласы, (қазіргі Тараз қаласы, Жамбыл облысы) — халықаралық журналист, педагог-ғалым, филология ғылымдарының кандидаты, «Болашақ» стипендиясы стипендиаты.
Қанат Әуесбайұлы Әуесбай | |
Туған күні | |
---|---|
Туған жері |
Тараз, Жамбыл облысы, Қазақстан |
Азаматтығы | |
Ұлты | |
Қызметі |
Журналист, педагог-ғалым |
Әкесі |
Әуесбай Бақбергенұлы[1] |
Анасы |
Рабиға Сақыпқызы |
Жұбайы |
Баян Жалғасбекқызы, әлеуметтанушы, PhD |
Балалары |
Ералы, Иманәлі, Ажарлым |
Марапаттары мен сыйлықтары |
Өмірбаяны өңдеу
1982 жылы 14 қаңтарда Жамбыл қаласында (қазіргі Тараз қ-сы) ұстаздар отбасында дүниеге келді. 1988 жылы Жамбыл қаласындағы №46 орта мектепке бірінші сыныпқа барып, онда 1991 жылға дейін оқыды. 1991-1997 жж. Жамбылдағы Ыбырай Алтынсарин атындағы №49 орта мектебінде білім алды. 1999 жылы №45 Бауыржан Момышұлы мектеп-гимназиясын бітірді[3].
Журналист болуына өзінің айтуынша нағашы атасы Сақыпкерей түрткі болған. Көз жанары көруден қалған атасы ауылға келген немерелеріне газет оқытып, хат жаздырған. Атасының басылымдарды жиі оқытқаны арқасында Қ.Әуесбай қолына қалам алған. 1996 жылы республикалық «Ұлан» балалар газетінде Жамбылдың 150 жылдығына орай мектепте өткен кеш туралы «Ғасырдың қарт бұлбұлы» атты тұңғыш мақаласы басылды. «Ұлан» балалар газетінің тұрақты авторы болып, кейінірек «жас тілшісі» атанды[4].
Қанат кәсіби музыкант, баянда ойнайды. 1992 ж. Жамбылдағы Дина Нұрпейісова ат. балалар саз мектебіне «баян» сыныбы бойынша оқуға түсіп, 1997 ж. Құрманғазы атындағы өнер мектебін бітірген. 1998-1999 жж. Абай ат. Жамбыл гуманитарлық колледжінің «халық аспаптары» бөлімінің «баян» сыныбында оқыды. Колледжде оқып жүріп, құрамында баян мен екі домбырасы бар «Серілер» триосын құрған. Кейін әл-Фараби ат. ҚазҰУ қабырғасында «Бейбарыс» тобы құрамында ән айтқан. Әндері CD-табаққа енді. Университетте «Жігіт сұлтаны» байқауының I-орын иегері атанды[4].
Қ.Әуесбай ұзақ жылдар бойы журналистік кәсібін ғылыми-педагогикалық қызметпен ұштастырып келеді. Әл-Фараби ат. ҚазҰУ, Л.Гумилев ат. ЕҰУ, Х. Досмұхамедұлы ат. Атырау университетінде оқытушылық қызмет атқарды. Қ.Әуесбай БАҚ саласы мамандары үшін түрлі шеберлік дәрісі, семинар-тренингті тұрақты өткізіп келеді.
Тележурналист ретінде Франция, АҚШ, Швейцария, Грекия, Біріккен Араб Әмірлігі, Сауд Арабиясы, Қытай, Түркия, Марокко, Моңғолия, Ауғанстан, Иран, Пәкістан, Тәжікстан, Қырғызстан, Өзбекстан және Малайзия сияқты елдерге барып, қоғамдық-саяси маңызы бар репортаждар дайындады. 2011 жылы 14 наурыздан бастап, 14 күн бойы Қазақстанның 14 облысының тәуелсіздік тұсындағы жетістігін қамтыған «Қазақстан. Менің елім» телекөрсетілімін жүргізді[5]. Сол кездегі «Қазақстан» телерадиокорпорациясы төрағасының бірінші орынбасары Ләззат Мұратқызының ұсынуымен Астанаға ауысып, «Апта.KZ» сараптама хабарын жүргізді. Актерлікке талпыныс жасап, тұңғыш қазақстандық «SitCom» форматындағы «Айналайын» сериалында тележурналисттің эпизодтық рөлін ойнаған. 2012 жыл қорытындысы бойынша «Айқын» газеті ұйғарымымен «үздік тележүргізуші» атанды. 2011 жылдың желтоқсанында Сүлеймен Демирель университетінің Алматы қаласы жоғары оқу орындарының студенттері арасында өткен «Тәуелсздік ұрпағы - тәуелсіздік көзімен» шығармашылық байқауында үздік шыққан білімгер Гүлбақыт Асылбек «Қанат Әуесбай» атындағы Дипломмен марапатталды[6].
Қанат Әуесбай ілік септігінің жалғауымен айтылатын «Әуесбайдың Қанаты» имидждік есімін қазақ тележурналистикасында тұңғыш қолданды. Сонымен қатар, ол ҚР Президентінің халықаралық «Болашақ» стипендиясымен оқыған тұңғыш журналист[7].
Қанат Әуесбайдың есімі Жамбыл облысы әкімдігінің жастар саясаты мәселелері басқармасы бастамасымен шыққан «Әулиеата жастары» энциклопедиясына енген (2020 ж.).
Қ.Әуесбай медиа сарапшы ретінде орта мектептің 5-9 сыныбына арналған «Жаһандық құзыреттілік» оқулығындағы «медиасауаттылық және қаржылық сауаттылық» аталған 3-бөліміне кеңесші болды («Арман-ПВ» баспасы, Алматы, 2024 ж.)
Білімі өңдеу
- 1999-2004 жж. Әл-Фараби атындағы Қазақ ұлттық университетінің журналистика факультетінің «халықаралық журналистика» мамандығында оқыды. 2004-2008 жж. Әл-Фараби ат. ҚазҰУ аспирантурасында (күндізгі бөлім) оқыды. «Қазақ телеарналарындағы қазіргі ақпараттық бағдарламалар табиғаты» тақырыбында кандидаттық диссертация (шифр: 10.01.10 - журналистика) қорғаған. Ғылыми жетекшісі: филол. ғыл. докторы, профессор Намазалы Омашұлы[8]; Қорғау уақыты: 24.12.2010 ж.
- 2013-2014 жж. «Болашақ» бағдарламасымен Ұлыбританияның Норвич қаласындағы Шығыс Англия университетінде ғылыми-педагогикалық тағылымдама (University of East Anglia,Norwich);
- 2014-2016 жж. Қазақ экономика, қаржы және халықаралық сауда университеті, «экономика және бизнес» бакалавры;
- 2018-2020 жж. «Тұран-Астана» университеті, «құқық» магистры;
- 2004 ж. Алматы қаласында өткен «Телерепортажға жаңаша көзқарас» семинары, «Internews network» халықаралық ұйымының сертификаты;
- 2007 ж. Иран Ислам Республикасында өткен «Телевизиялық бағдарламаларды жасаудағы заманауи технологиялар» семинарында «ISESCO» халықаралық ұйымының сертификаты;
- 2008 ж. Алматы қаласында өткен «Internews network» халықаралық ұйымының «Жаңалықтар қызметінің жұмысын ұйымдастыру» атты дистанционды семинары;
- 2012 ж. 28-31 мамыр аралығындағы Беларусь мемлекетінде болған «Болашақ үшін серіктестік: жаңа дәуір моделі» (Партнерство во имя будущего: модели новой эпохи) халықаралық медиа-форумның қатысушысы[9];
- 2012 ж. 2-3 желтоқсанда Астанада өткен «Ақпараттық тарату және жаңалық командасын жасақтау» тренингіне қатысып, «Автограф» продюсерлік орталығының (Екатеринбург, Ресей) сертификаты.
- 2022 ж. «Жоғары білім берудегі топ менеджмент» біліктілікті арттыру курсы, 28 қараша 2022 ж. «Qazaq profi» оқу орталығы, Астана қ-сы.
Қызмет жолы өңдеу
- 2002-2003 жылдары – «Түркістан» халықаралық газеті тілшісі;
- 2003-2009 жылдары – «Европа плюс Казахстан» радиосында сазды жүргізуші;
- 2003-2004 жылдары – «Информбюро» ақпарат бағдарламасында тілші, («31 арна»)[6];
- 2004-2013 жж. – «Қазақстан» телеарнасының ақпараттық-сараптамалық бағдарламалар дирекциясында (АСБД) тілші, аға тілші, редактор-сарапшы, «Апта.kz» ақпараттық-сараптамалық бағдарламасы жүргізушісі, шеф-редакторы;
- 2009-2010 жж. – әл-Фараби ат. ҚазҰУ журналистика факультеті оқытушысы;
- 2011 жылдың наурыз-сәуір аралығында Тәуелсіздіктің 20 жылдығына арналған «Қазақстан. Менің елім» бағдарламасы авторы, жүргізушісі, («Қазақстан» телеарнасы);
- 2011 ж. желтоқсанынан 2013 ж. ақпанына дейін — «Өзекжарды» телесұхбатының авторы, жүргізушісі, («Қазақстан» телеарнасы).
- 2012 жылдың 2 қарашадан 2013 жылдың ақпанына дейін Нұрмұхамед Байғарамен бірге «Алаң» қоғамдық-саяси ток-шоуын жүргізді («Қазақстан» телеарнасы);
- 2013-2014 жж. – Шығыс Англия университетіндегі қазақстандық студенттер қоғамдастығы вице-президенті (University of East Anglia, Norwich, UK);
- 2014-2016 жж. – «kz-2050» Жалпыұлттық қозғалысы» ҚБ медиа-директоры;
- 2014-2015 жж. – «Сіз не дейсіз?» хабары жүргізушісі («Қазақстан» телеарнасы);
- 2016 ж. – «Білгірлер бәйгесі» танымдық-интеллектуалдық хабары жүргізушісі («Қазақстан» телеарнасы);
- 2016-2017 жж. – «BNews» ақпарат порталының сарапшысы;
- 2011-2019 жж. – Л.Гумилев ат. ЕҰУ журналистика және саясаттану факультетінің телерадиожурналистика және бұқарамен байланыс кафедрасы доценті;
- 2018-2019 жж. – Ruh.kz» ток-шоуының сценаристі, жүргізушісі, («Astana» телеарнасы);
- 2018-2019 жж. – Президент орталығының баспасөз қызметі аға сарапшысы;
- 2019 жылдан – Халел Досмұхамедұлы ат. Атырау университеті журналистика кафедрасының аға оқытушысы;[10]
- 2019-2021 жж. – «Қазақстан» республикалық телерадиокорпорациясы» АҚ Атырау облыстық филиалы директоры;
- 2021-2022 жж. – «Elorda aqparat» медиахолдингі директорының орынбасары (Астана қ-сы);
- 2022-2023 жж. – С. Өтебаев ат. Атырау мұнай және газ университетінің жастар саясаты және әлеуметтік мәселелер жөніндегі проректоры;
- 2023 жылдың қазанынан «Қазақстан» республикалық телерадиокорпорациясы» АҚ Digital департаменті директоры;
Қоғамдық қызметі өңдеу
- Еуразия Телевизия және Радио Академиясының мүшесі (Мәскеу қ-сы, 2012 ж.);
- 2013-2014 жж. Ұлыбританияның Норвич қаласында Шығыс Англия университетiнің қазақстандық студенттер қауымдастығының вице-президентi[11].
- 2014 ж. Сочидегі қысқы олимпиадаға қатысып жатқан қазақстандық спортшыларды қолдау мақсатында әлеуметтік желіде #LikeKazakhstanInSochi халықаралық фотоакциясын ұйымдастырды[12].
- Қазақстан журналистер одағы мүшесі (2011 жылдан);
- ҚР Президенті жанындағы жастар саясаты жөніндегі Кеңес мүшесі (2017 ж.);
- Қазақстан бас редакторлары клубы мүшесі (2017 жылдан);
- Қазақстан Педагогикалық Ғылымдар Академиясының корреспондент-мүшесі (2018 жылдан);
- ҚР Президентінің халықаралық «Болашақ» стипендиясы стипендиаттары қауымдастығының Кеңес мүшесі (2021 жылдан);
- 2018 ж. «Тараз түлегі – online bell» халықаралық шеберлік дәрісінің авторы, ұйымдастырушысы[13]. Оның аясында әлемнің әйгілі университеттері – Massachusets Institute of Technology (қысқарт. MIT, АҚШ), Cambridge University, Bristol University (Ұлыбритания) бітірген Жамбыл облысы түлектерімен әлемнің әр түкпірінен онлайн байланыс орнатылды;
- 2018 ж. 4-11 наурызда Оңтүстік Кореяда өткен дүниежүзілік журналистер конференциясында Қазақстан атынан делегат (World Journalists Conference 2018, South Korea);
- 2019-2021 жж. Республикалық оқу-әдістемелік кеңесінің оқу-әдістемелік бірлестігі мүшесі (РОӘК ОӘБ - 032 журналистика және ақпарат);
- 2023 ж. Л. Гумилев ат. ЕҰУ журналистика және саясаттану факультетінің магистрлік диссертация қорғау бойынша мемлекеттік аттестациялау комиссиясы төрағасы;
- 2022-2023 жж. Халықаралық «Қазақ тілі» қоғамының астаналық филиал төрағасы.
Арнайы репортажы өңдеу
- 2005 жылдың қазанның 8-де болған Пәкістандағы жойқын зілзала туралы репортаждар;
- 2005 жылғы Қырғызстандағы «Қызғалдақ» төңкерісі туралы репортаж;
- 2007 жылы қазанның 16-20 аралығында Ауғанстанның мәдени орталығы - Герат қаласында өткен экономикалық ынтымақтастық Ұйымының сыртқы істер министрлері Кеңесінің 17-ші отырысынан репортаж;
- 2008 жылдың наурызында Франция астанасы Парижде өткен «Қазақстан» телеарнасының 50 жылдық мерейтойына орай ұйымдастырылған тұңғыш ақындар айтысы туралы «Эйфель» мұнарасы жанынан репортаж;
- 2009 жылы, маусымның 27-і күні Моңғолия астанасы Ұланбатыр қаласында өткен Моңғолия қазақтарының I құрылтайы қарсаңындағы Моңғолиядағы түркі тарихы мен Моңғолия қазақтарының тыныс-тіршілігі жайындағы репортаждар;
- 2010 жылғы Қырғызстанның Ош қаласындағы текетірестен кейін Қазақстан үкіметінің Қырғыз Республикасына көмегі туралы репортаждар[14];
- 2010 жылдың маусымның 27-де өткен Қырғыз Республикасындағы Жалпыхалықтық референдум туралы репортаждар[15][16];
- 2010 жылғы Қырғызстанның Ош қаласындағы текетірестен кейін Қазақстан үкіметінің Қырғыз Республикасына көмегі туралы репортаждар[17];
- 2010 жылдың сәуірінде болған АҚШ астанасы Вашингтонда өткен ядролық қауіпсіздік саммиті қарсаңындағы Лас-Вегас пен Вашингтон қалаларынан репортаждар[18];
- 2010 жылы сәуірінде Біріккен Араб Әмірлігі және Мароккода қолдан өсірілетін дуадақ шаруашылығы туралы репортаж[19];
- Тәжікстан астанасы Душанбеде тәжік-ауған шегарасында қаза болған Қазақстан жауынгерлеріне ашылған ескерткіш туралы репортаж;
- 2012 жылы ақпанның 28-де Швейцарияның Женева қаласынан Қазақстанның БҰҰ-на мүше болғанына 20 жыл толуына орай Қазақстанның БҰҰ-дағы орны туралы репортаж[20];
- 2012 жылы сәуірдің 16-інде ҚР Президентінің Малайзияға мемлекеттік сапары қарсаңындағы Малайзияның әлеуметтік-экономикалық ахуалы туралы репортаждар[21];
- 2012 жылы сәуірдің 17-де «Азия ғажайыбының» авторы, Малайзияның төртінші Премьер-министрі Махатхир Мохамадпен сұхбат[22];
- 2012 жылдың наурызда Грекиядағы дағдарыс туралы Афинадан репортаждар сериясы[23][24][25][26][27][28][29];
- Ислам Ынтымақтастығы Ұйымына мүше елдердің отырысы өтті[30];
- Ағайындылар[31];
- Шерхан Мұртаза 80 жаста[32];
- Қасірет қаруының залалы[33].
Имидждік есімі өңдеу
Қанат Әуесбай имидждік есімі ретінде «Әуесбайдың Қанаты» нұсқасын қолданады, бұл туралы республикалық қоғамдық-саяси «Айқын» газетіне сұхбатында айтады:
— Бұл көп журналистің арасынан әдейі ерекшеленіп, әлдебір атақ шығару үшін ойлап табылған амал емес. Халқымыз жетпіс жыл бойы - «ов», - «ев», - «вич» сияқты орыс тіліндегі «кімнің»? деген сұраққа жауап беретін ілік септігінің жалғауын өз тегіне «жегіп» келді. Оның заманы өтіп, тәуелсіз елдің тек атауын қалыптастыру үрдісі басталды. Бірақ ол үрдіс өкінішке қарай, әлі бірізділенген жоқ. Ұлтымызға қазақтығымызды фамилиясының жалғауынан-ақ білдіріп тұратын жалғау керектігі көптен бері айтылып жүр. Мәселен, - «дзэ» десең адамның грузин екендігі, «ян» деп аяқталса армян екені, «оғлы» десе әзірбайжан немесе түрік екені бірден аңғарылады. Біздің халықта әзірге тек атауларының ел арасына сіңісе қоймаған нұсқалары ғана бар. Менің «Әуесбайдың Қанаты» болуым сол көп нұсқаның бірі ғана. Бұдан бөлек, бізде «Қанат Әуесбай» деп еш жалғаусыз айта салатын нұсқа бар. Жалғауының жоқтығынан, бұл нұсқада аты қайсы, тегі қайсы екенін шатастырып алып жатамыз. Сондықтан өз басым жалғаумен айтқанды құп көрдім. - «Дың» нұсқасын өзім ойлап таптым деуден аулақпын. Менен бұрын бұл жалғауды алаштың зиялылары қолданған. Мәселен, қазақтың айтөбел ақыны Қасым Аманжол «Өзім туралы» атты өлеңінде: «Аманжол Рақымжанның Қасымымын, Мен қалған бір атаның ғасырымын» деп тебіренеді. Кейінгілерден Әбдіраштың Жарасқаны да аты-жөнін атаудың осы формасын қолай көрген. Ендеше мен сол дайын нұсқаны пайдаланушы ғанамын. Алғашында «Әуесбайдан Қанат» деп айтып көрсем деп ойлағанмын. Бірақ «Әуесбайдың Қанаты» болу мағынасы жағынан әдемі үйлесім тапқасын осы нұсқаға тоқтадым. Тележурналистің қаруы эфир ғой. Ендеше, бұқаралық ақпарат құралдарында бұл нұсқалар неғұрлым көп айтылған сайын, ерте ме, кеш пе, оның біреуі болмаса, біреуі халық құлағына сіңісуі тиіс деген ойға келдім. Өз басым халқымыздың өз тегін қалауына қарай айта да, жаза да алуын да тәуелсіздіктің тағы бір тарту-таралғысындай көремін.
— Қанат Әуесбайдың республикалық қоғамдық-саяси «Айқын» газетіне берген сұхбатында[5]
Отбасы өңдеу
- Әкесі — Әуесбай Бақбергенұлы, Абай атындағы Жамбыл колледжінің (бұрынғы педагогикалық училище) оқытушысы, кафедра меңгерушісі, Красногор аудандық (қазіргі Қордай ауд.) мәдениет бөлімінің бастығы, Луговой аудандық (қазіргі Т.Рысқұлов ауд.) мәдениет үйі директоры болды.[34] ҚР Білім және ғылым министрлігінің «Ыбырай Алтынсарин», «Білім беру ісінің құрметті қызметкері», ҚР Мәдениет және спорт министрлігінің «Мәдениет саласының үздігі», ҚР Білім және ғылым министрінің Құрмет грамотасымен, ҚР Оқу-ағарту министрлігінің «Еңбек ардагері» төсбелгілерімен марапатталған.[35] Тараз қаласының құрметті азаматы,[36] Қазақстан Педагогикалық Ғылымдар Академиясының мүшесі;[37]
- Анасы — Рабиға Сақыпқызы, мектеп мұғалімі, ҚР Білім және ғылым министрлігінің «Білім беру ісінің құрметті қызметкері», «Ыбырай Алтынсарин», ҚР Оқу-ағарту министрлігінің «Еңбек ардагері» төсбелгілерімен марапатталған, Қазақстан Педагогикалық Ғылымдар Академиясы мүшесі;
- Жұбайы — Баян Жалғасбекқызы, «Болашақ» стипендиясы стипендиаты, әлеуметтанушы, PhD;[38]
- Балалары — Ералы, Иманәлі (ұлдары), Ажарлым (қызы).
Марапаты өңдеу
- 2011 ж. 1 желтоқсан – ҚР Байланыс және ақпарат министрлігінің Дипломы, «Тәуелсіз Қазақстанның гүлденуіне арналған ең үздік тележоба» аталымы жеңімпазы[39];
- 2012 ж. – Алматы қалалық тіл, мұрағат және құжаттама басқармасы ұйымдастырған «Мемлекеттік тіл және БАҚ» байқауының «Үздік тележурналист» аталымы жеңімпазы;
- 2012 ж. – «Телевизиялық жұмыс» аталымында үздік танылып, Қазақстан журналистер одағы сыйлығы лауреаты атанды [40];
- 2013 ж. – Бас редакторлар клубы ұйымдастырған «Асыл сөз құдыреті» республикалық журналистер байқауының «экономика мәселесі бойынша үздік материал» аталымында жеңімпаз;
- 2013 ж. – «Серпер» жастар сыйлығы лауреаты;[41]
- 2015 ж. – Университет дамуына қосқан үлесі үшін «Әл-Фараби атындағы Қазақ ұлттық университетіне 80 жыл» медалі;
- 2016 ж. – БАҚ өкілдері арасындағы «Нұр Сұңқар» республикалық байқауының «Көзқарас» аталымындағы жеңімпазы[42];
- 2017 ж. – «Ақпарат саласының үздігі» төсбелгісі, ҚР Ақпарат және коммуникациялар министрлігі;[43];
- 2018 ж. – «Тұрар Рысқұлов ауданына - 80 жыл» мерекелік медалі;
- 2019 ж. – «Қазақстан Республикасы құқық қорғау әскеріне - 25 жыл» кеуде белгісі;
- 2019 ж. – «Мәдениет саласының үздігі» төсбелгісі, ҚР Мәдениет және спорт министрлігі;[44];
- 2019 ж. – ҚР Білім және ғылым министрінің Құрмет грамотасы;
- 2020 ж. – Атырау облысының әлеуметтік-экономикалық дамуына қосқан елеулі үлесі үшін «Атырау облысы мәслихаттарына 25 жыл» мерекелік медалі;
- 2022 ж. – ҚР Ақпарат және қоғамдық даму министрінің Құрмет грамотасы;
- 2023 ж. – Халықаралық «Қазақ тілі» қоғамы президентінің Алғыс хаты;
- 2024 ж. - «Ғылымды дамытуға сіңірген еңбегі үшін» төсбелгісі, ҚР Ғылым және жоғары білім министрлігі.[45]
Кітаптары өңдеу
- Батыс көрген. Ұлыбритания қазақтың көзімен - Looking west. A Kazakh’s view of Great Britain» кітабы, publisher: Hertfordshire Press 2016, ISBN 978-1910886373.[7]
Автор кітапта Британияда оқыған жылдары ағылшын қоғамының әр саласынан біліп-түйгенін публицистикалық көзқараспен жеткізеді. 10 тараудан тұратын кітапта Ұлыбритания тұрғындарының тұрмыс-тіршілігі, өмірлік құндылықтары мен қағидалары, жаһандану кезінде ағылшын тілін білудің маңызы, білім беру мен жастар мәселесі, БАҚ саласының ахуалы арқау етілген. Кітап 2016 жылы Ұлыбританияда, Лондон қаласында басылды. Қазақстанда ауыл мектептерінің кітапханаларына таратылды.
Кітаптың тұсаукесері 2016 жылдың 15-желтоқсанында Кэмбридж университетінде өтті. Тұсаукесер рәсіміне Кэмбридж университетінің профессор ғалымдары, Британиядағы қазақ студенттері қауымдастығы мен Қазақстан елшілігінің өкілі қатысты. Осыған байланысты ҚР Ұлттық Академиялық кітапханасында тұсаукесердің онлайн көрсетілімі ұйымдастырылды. Кітаптың Қазақстандағы таныстырылымы 2016 жылдың 24-желтоқсанында Тұңғыш Президент кітапханасында өтті.
Мақалалары өңдеу
- Медиа-орталыққа мағыналы атау керек; (9 қараша 2011)[46]
- Ұлттық арнаның тартулары; (1 қыркүйек 2011)[47]
- Ұлттық арнада - «Сыр-Сұхбат»; (26 мамыр 2011)[48]
- Ұлттық арнада «Пай-пай шоу»; (4 қараша 2010)[49]
- Ұлттық арнада «Балапан» қанат қақты; (30 қыркүйек 2010)[50]
- «Қазақстан» телеарнасы қырық екі сериялы туынды түсіріп жатыр; (12 тамыз 2010)[51]
- Ақылы қызметке аң-таңмын... (10 ақпан 2010)[52]
- Бес бақыт; (5 мамыр 2012)[53]
- Елордада «Ұлттық арна» көшесі ашылса; ("Халық сөзі" газеті)[54]
- Сүлейман Демирель, Түркия Республикасының экс-президенті: Түркі дүниесінде ешкім ешкімнен де жоғары емес, ешкім ешкімнің ағасы да емес[55]
- Қазақ қаржыгерінің формуласы әке-көке, руластық емес, жан-жақты білім болуы керек[56]
- Book by Bolashak Alumnus Presented at Cambridge; (Astana times)[57]
Дереккөздер өңдеу
- ↑ «Ғибрат» хабары (қаз.). «Jambyl» телеарнасы (20 мамыр 2021). Тексерілді, 9 сәуір 2024.
- ↑ ДӘУЛЕТ ІЗТІЛЕУ Әуесбайдың Қанаты: Бабасының табаны тимеген жерге, баласының қаламы тиді.
- ↑ "Әділет" газеті - «ӨМІР БАҚИ ТЕК АСТАНАЛАРДА ӨМІР СҮРІП КЕЛЕМ...» Мұрағатталған 4 наурыздың 2016 жылы.
- ↑ a b Дереккөз қатесі: Жарамсыз
<ref>
тегі; no text was provided for refs namedBAQ.kz
- ↑ a b Берік БЕЙСЕНҰЛЫ Әуесбайдың Қанаты, «Қазақстан. Менің елім» бағдарламасының жүргізушісі: Біреуге үйрету үшін ең алдымен өзің білуің керек (қаз.) (31 наурыз 2011). Тексерілді, 19 шілде 2012.
- ↑ a b Әуесбайдың Қанаты Әуесбайдың Қанаты - Өмірбаян. BAQ.kz (11 маусым 2008). Тексерілді, 20 шілде 2012.
- ↑ a b КАЗИНФОРМ Первый журналист-болашаковец - о жизни в Великобритании. КАЗИНФОРМ (24 желтоқсан 2016). Тексерілді, 24 желтоқсан 2016.
- ↑ Природа современных информационных программ на казахских телеканалах.
- ↑ docs.google.com - Қанат Әуесбайдың түйіндемесі
- ↑ От преподования до наград (орыс.). сайт газеты «Прикаспийская коммуна» (25 апреля 2024). Тексерілді, 25 сәуір 2024.
- ↑ ӘУЕСБАЙДЫҢ Қанаты, «Қазақстан» Ұлттық арнасындағы «Өзекжарды» бағдарламасының жүргізушісі: Телеөнерде жаңадан бір нәрсе ойлап табу қиын
- ↑ Савелий КРИВОКРАСОВ Атлетам от Казнета. АО «Республиканская газета «Казахстанская правда» (15 ақпан 2014). Тексерілді, 14 сәуір 2020.
- ↑ Е.Әбуғали [https://www.youtube.com/watch?v=uINEEEMQM0E&t=244s «ТАРАЗ ТҮЛЕГІ - ONLINE BELL»]. «Қазақстан» РТРК» АҚ (25 мамыр 2018). Тексерілді, 14 сәуір 2020.
- ↑ Әуесбайдың Қанаты Әуесбайдың Қанаты - Қырғыз халқына көмек. KazTRK.kz (30 шілде 2010). Тексерілді, 20 шілде 2012.
- ↑ Әуесбайдың Қанаты Әуесбайдың Қанаты - Қырғыз елінің референдумға дайындығы. KazTRK.kz (15 маусым 2010). Тексерілді, 20 шілде 2012.
- ↑ Әуесбайдың Қанаты Әуесбайдың Қанаты - Қырғыз елінде жалпыхалықтық референдум өтті. KazTRK.kz (27 маусым 2010). Тексерілді, 20 шілде 2012.
- ↑ Әуесбайдың Қанаты Әуесбайдың Қанаты - Қазақстан үкіметінің Қырғыз Республикасына көмегі. KazTRK.kz (2010). Тексерілді, 20 шілде 2012.
- ↑ Әуесбайдың Қанаты Әуесбайдың Қанаты - Қазақстанның ядролық қарудан бас тартуы әлем мемлекеттеріне үлгі. KazTRK.kz (12 сәуір 2010). Тексерілді, 20 шілде 2012.
- ↑ Әуесбайдың Қанаты Әуесбайдың Қанаты - Қазақстанның ядролық қарудан бас тартуы әлем мемлекеттеріне үлгі. KazTRK.kz (12 сәуір 2010). Тексерілді, 20 шілде 2012.
- ↑ Әуесбайдың Қанаты Әуесбайдың Қанаты - БҰҰ Қазақстанның бастамаларымен санасады. KazTRK.kz (28 ақпан 2012). Тексерілді, 20 шілде 2012.
- ↑ Әуесбайдың Қанаты Әуесбайдың Қанаты - Ертең Елбасының Малайзияға мемлекеттік сапары басталады. KazTRK.kz (16 сәуір 2012). Тексерілді, 20 шілде 2012.
- ↑ Әуесбайдың Қанаты Әуесбайдың Қанаты - Махатхир Мохамад Ұлттық арнаға сұхбат берді. KazTRK.kz (17 сәуір 2012). Тексерілді, 20 шілде 2012.
- ↑ Әуесбайдың Қанаты Әуесбайдың Қанаты - Дағдарған Еуропа. KazTRK.kz (2012). Тексерілді, 20 шілде 2012.
- ↑ Әуесбайдың Қанаты Әуесбайдың Қанаты - Грек футболшылары туған жерге оралғысы келеді. KazTRK.kz (2012). Тексерілді, 20 шілде 2012.
- ↑ Әуесбайдың Қанаты Әуесбайдың Қанаты - Үдере көшкен гректер елді сағынады. KazTRK.kz (2012). Тексерілді, 20 шілде 2012.
- ↑ Әуесбайдың Қанаты Әуесбайдың Қанаты - Грекияға тағы 50 млрд. еуро несие қажет. KazTRK.kz (2012). Тексерілді, 20 шілде 2012.
- ↑ Әуесбайдың Қанаты Әуесбайдың Қанаты - Дағдарған Грекия. KazTRK.kz (2012). Тексерілді, 20 шілде 2012.
- ↑ Әуесбайдың Қанаты Әуесбайдың Қанаты - Еуропа өркениетінің талбесігі шайқалды. KazTRK.kz (2012). Тексерілді, 20 шілде 2012.
- ↑ Әуесбайдың Қанаты Әуесбайдың Қанаты - Грекияға көшсе де Қазақстанды ұмытпапты. KazTRK.kz (2012). Тексерілді, 20 шілде 2012.
- ↑ http://kaztrk.kz/kaz/politicy/Islam_Intimaktastigi_Ujimina_mushe_elderdin_otirisi_otti.html(қолжетпейтін сілтеме)
- ↑ http://www.egemen.kz/2012/10/02/347287/(қолжетпейтін сілтеме)
- ↑ http://www.youtube.com/watch?v=b8YkOr9wRVY
- ↑ http://www.youtube.com/watch?v=ymS5P8WZ_9A
- ↑ Жизнь как кнопочки баяна (орыс.). газета «Знамя труда» (22 августа 2023). Тексерілді, 9 сәуір 2024.
- ↑ Әуесбайдың әдебі (қаз.). «Aq jol» газеті (23 сәуір 2021). Тексерілді, 9 сәуір 2024.
- ↑ «Тараз қаласының құрметті азаматы» атағы берілді (қаз.). «Jambyl» телеарнасы (26 қазан 2023). Тексерілді, 8 сәуір 2024.
- ↑ Ұлағатты ұстазға құрмет (қаз.). «Jambyl-Taraz» газеті (1 қараша 2023). Тексерілді, 9 сәуір 2024.
- ↑ Баян Жалғасбекқызы (қаз.). kazatu.edu.kz сайты (6 қазан 2023). Тексерілді, 9 сәуір 2024.
- ↑ КАЗИНФОРМ Награждены победители конкурса среди журналистов и фотокорреспондентов на лучший материал о независимости Казахстана. КАЗИНФОРМ (1 желтоқсан 2011). Тексерілді, 14 сәуір 2020.
- ↑ Forbes Kazakhstan Лауреатами премии Союза журналистов Казахстана 2012 года стали 20 представителей СМИ. Журнал печатается и распространяется / The journal is printed and distributed ТОО / LLC «United Media Group» c разрешения / with permission Forbes Media LLC, 60 Fifth Avenue, Nеw York, NY, 10011 USA (27 маусым 2012). Тексерілді, 14 сәуір 2020.
- ↑ Ақерке Әбілхан "Серпер" кімдерді серпілтті?. Massaget.kz (14 қараша 2013). Тексерілді, 14 сәуір 2020.
- ↑ "Aikyn.kz" Қазақстанның басты жаңалықтары «Нұр Сұңқар» жеңімпаздары анықталды. Aikyn.kz (25 маусым 2016). Тексерілді, 14 сәуір 2020.
- ↑ Баспасөз қызметі ЕҰУ доценті Қанат Әуесбай «Ақпарат саласының үздігі» атанды. Л.Н.ГУМИЛЕВ АТЫНДАҒЫ ЕУРАЗИЯ ҰЛТТЫҚ УНИВЕРСИТЕТІ (28 шілде 2017). Тексерілді, 14 сәуір 2020.
- ↑ ZhambylNews Жерлесіміз Қанат Әуесбай «Мәдениет саласының үздігі» төсбелгісімен марапатталды. «ZhambylNews» ақпарат агенттігі (23 желтоқсан 2019). Тексерілді, 14 сәуір 2020.
- ↑ Қанат Әуесбай «Ғылымды дамытуға сіңірген еңбегі үшін» төсбелгісімен марапатталды. asu.edu.kz (15 сәуір 2024). Тексерілді, 15 сәуір 2024.
- ↑ http://www.aikyn.kz/index.php?option=com_content&task=view&id=10826&Itemid=37
- ↑ http://www.aikyn.kz/index.php?option=com_content&task=view&id=9674&Itemid=62
- ↑ http://www.aikyn.kz/index.php?option=com_content&task=view&id=8032&Itemid=62
- ↑ http://www.aikyn.kz/index.php?option=com_content&task=view&id=4568&Itemid=62
- ↑ http://www.aikyn.kz/index.php?option=com_content&task=view&id=3971&Itemid=62
- ↑ http://www.aikyn.kz/index.php?option=com_content&task=view&id=3286&Itemid=62
- ↑ http://www.aikyn.kz/index.php?option=com_content&task=view&id=1170&Itemid=44
- ↑ http://www.egemen.kz/?p=334249
- ↑ http://www.halyksozi.kz/news/view/id/931(қолжетпейтін сілтеме)
- ↑ http://www.alashainasy.kz/person/6638/(қолжетпейтін сілтеме)
- ↑ http://www.alashainasy.kz/person/3270/(қолжетпейтін сілтеме)
- ↑ https://astanatimes.com/2017/01/book-by-bolashak-alumnus-presented-at-cambridge/%7Cdate=January(қолжетпейтін сілтеме) 2017|bot=InternetArchiveBot |fix-attempted=yes }}
Сыртқы сілтемелер өңдеу
- Қанат Әуесбайдың Facebook әлеуметтік желісіндегі жеке беті
- KazTRK.kz сайтындағы Қанат Әуесбайдың блогы Мұрағатталған 20 маусымның 2012 жылы.
- "Өзекжарды" бағдарламасының мұрағаты Мұрағатталған 20 шілденің 2012 жылы.
- "Өзекжарды" бағдарламасының газеттік нұсқасы, "Қазақстан" Ұлттық арнасы мен "Дала мен қала" газетінің бірлескен жобасы Мұрағатталған 1 шілденің 2012 жылы.