Қар тазартқыш

Қар тазартқыш – көше, алаң, тротуар, автомобиль және темір жолдарын, т.б. жерлерді жауған қардан тазартуға арналған машина. Темір жолдағы қар тазартқыш: соқалы, фрезерлі және роторлы болып ажыратылады. Жұмыс тетігі вагонның алдыңғы жағына орналастырылады. Қар тазартқыштың қозғалысы локомотивтің итеру күші арқылы жүзеге асырылады. Автокөліктегі қар тазартқыштың: түренді, түренді-щеткалы және шнекті-роторлы болып бөлінеді.

• Түренді қар тазартқыштың жолдарды тазартады;
• Түренді-щеткалы қар тазартқыш қала көшелеріндегі жаңа жауған қарды күреу, сыпыру үшін жиірек қолданылады. Түрен мен цилиндр щетка жазда көшеге су себетін маусымдық машиналарға орнатылады. Машинаның алдына бекітілген ойық түрен жол үстіндегі қалың қарды ысырады, ал одан қалғандары машина рамасының астына орнатылған цилиндр-щеткамен сыпырылады. Жиналған қарды көлікке тиеу жұмыстары әмбебап қар тиегіштер арқылы жүзеге асырылады.
• Шнекті-роторлы қар тазартқыш жолдағы қарды жиекке атқылау үшін қолданылады. Қар тазартқыштың жабдықтары жүк машиналарына, өздігінен жүретін доңғалақты тракторларға орнатылады.

Доңғалақты трактор

Сілтемелер

• соқалы қар тазартқыш
• фрезерлі қар тазартқыш
• роторлы қар тазартқыш
• түренді қар тазартқыш
• түренді-щеткалы қар тазартқыш
• шнекті-роторлы қар тазартқыш

Дереккөздер:

OS7