Қоянтобық

Қоянтобық (лат. Botsc) – астралылар тұқымдасы, таусағыз туысына жататын көп жылдық өсімдік.

Қоянтобық
Ғылыми топтастыруы
Дүниесі: Өсімдіктер Бөлімі: Гүлді өсімдіктер Табы: Қос жарнақтылар (unranked) Asterids Сабы: Asterales Тұқымдасы: Asteraceae Кіші тұқымдасы: Cichorioideae Тайпасы: Cichorieae Кіші тайпасы: Scorzonerinae Тегі: Scorzonera Түрі: S. sericeolanata'
Екі-есімді атауы
Scorzonera sericeolanata (Bunge) Krasch. & Lipsch., 1934

Ботаникалық сипаты

• Биіктігі 8-25 см.
• Тамыры түйнекке айналған.
• Сабағы көбіне біреу (кейде 2-5), тік, сыртын нәзік түк жапқан бұтақтары болады.
• Жапырағы таспа тәрізді, ені 2-5 мм, ұшына қарай соозылыңқы үшкір, тегіс жиекті. Сабақ жапырағы қондырмалы. 5-7 (25) тостағаншасы конус тәрізді (сирек жағдайда цилиндр тәрізді), гүлсидамы тік, жемістенген кезде төмен қарай иіліп тұрады. Орама жапырақтары түкті, жиегі жарғақты.
• Гүлдерінің тілшелі күлтесі сары түсті.
• Тұқымының ұзындығы 5-7 мм, айдаршасының ұзындығы 10-20 мм, қылтанағы түкті. Сәуір-мамыр айларында гүлдеп, жеміс береді.

Өсетін жері мен таралуы

Қоянтобық Орта Азия елдерінде, Батыс Сібір жазығында, Ауғанстанда, Батыс Қытайда тараған.

Қазақстанда Торғай, Жем өзендері алабында, Бетпақдала, Мойынқұм шөлдерінде, Қаратау жотасы, Балқаш-Алакөл ойысында кездеседі.

Құмда өсетін каучукты өсімдік, жайылымдық мал азығы.