Құрсақкірпікшелі құрттар

Құрсаққірпікшелі құрттар, стротрихиялар (лат. Gastrotricha) - алғашқы қуысты құрттар сыныбына жатады. Денесі сопақша, ұзындығы 0,05-1,5 мм. Денесін бойлай және оның артқы жағында жабысқақ бездері бар беку түтікшелері орналасқан. Сезім мүшелері сезгіш сенсилалар, иіс сезу шұңқырлары және пигментті көзшелерден (фоторецепторлар) құралған. Ішек көлемді бұлшық етті жұтқыншақтан басталады. Зәр шығару жүйесі дененің бүйірлерінен сыртқа ашылатын жұп протонефридилер. Гермафродиттер немесе партеногенет. ұрғашылар. Теңіздерде және тұщы суларда мекендейді. Микроағзалармен және бір жасушалы балдырлармен қоректенеді. 2 отряд: макродазиоидтар (Macrodasyoidea) және хетонотоидтар (Chaetonotoidea) 160 түр белгілі. ТМД фаунасы нашар зерттелген.