Үлгі:Басты бет/Жаңалықтар/2016

Қаңтар

• 25 қаңтар - Тәжікстан парламентінің төменгі палатасы Конституцияға республика басшысы Эмомали Рахмонның шек қойылмайтын мөлшерде сайлауға түсуіне мүмкіндік беретін түзетуді бекітіп берді.
• 1 қаңтар - Қазақстанда жергілікті полиция қызметі өз жұмысын бастады.
• 1 қаңтар - Қазақстан Еуразиялық Экономикалық Одаққа төрағалығын бастады.
• 3 қаңтар - Қазақстан Ұлттық банкі банктер және айырбастау пункттері арқылы жүргізілетін операциялар бойынша шетел валютасын теңгеге сатып алу бағамының сату бағамынан ауытқу шектерін белгіледі.
• 5 қаңтар - Қазақстанның еңбек сіңірген әртісі Меңтай Смағұлұлы Өтепбергенов ұзаққа созылған ауыр науқастан (70 жаста) көз жұмды.
• 5 қаңтар - Айдын Айымбетов «Қазақстан Ғарыш Сапары ҰК» АҚ-ның ғарыш жүйелерін құру және пайдалану бойынша вице-президенті ретінде тағайындалды.
• 6 қаңтар - Голливудтық продюсерлер Кери Гранат және Эд Джонс қазақстандық Moviq кинокомпаниясымен бірге Әміре Қашаубаевтың өмірі жайлы фильм түсіретіндігін хабарлады.
• 6 қаңтар - АҚШ-тың «Уолл-стрит джорнэл» басылымы Менделеев кестесіне 4 жаңа элемент қосылғанын мәлімдеді.
• 8 қаңтар — Қазақстандық сиқыршы Руслан Иванченков бес сағат бойы үздіксіз сиқыр көрсетіп Гиннестің рекордтар кітабына енді.
• 8 қаңтар — Футбол тарихы мен статистикасы халықаралық федерациясы (IFFHS) футбол клубтарының әлемдік рейтингін жариялады, ол бойынша Астананың «Астана» клубы 66-орында, Алматының «Қайраты» – 94-орында тұр.
• 13 қаңтар — Қазақстанда «Б» корпусының қызметкерлері бір орында 6 жылдан артық отырмайтындығы мәлім етілді.
• 13 қаңтар — Мәжіліс депутаттары палатаны таратып, елде кезектен тыс парламент сайлауын жергілікті мәслихаттар сайлауымен бірге өткізуді сұрап Қазақстан президентіне үндеу жариялады.
• 13 қаңтар — Түрікменстан билігі америкалық валютаның айналымына шектеу енгізді.
• 15 қаңтар — Түркия премьер-министрі Ахмет Дәуітоғлының айтуынша, түрік әскері соңғы екі күнде ИМ-нің 500 позициясына соққы жасап, ол ұйымның 200 өкілі қаза тапқан.
• 21 қаңтар - Нұрсұлтан Назарбаев халыққа үндеу жариялап мерзімінен бұрын мәжіліс сайлауын өткізу жөнінде жарлыққа қол қойды. Сайлау 2 айдан соң өтетін болып белгіленді.

Ақпан

• 14 ақпан — Сербияда өткен Еуропа чемпионатында Қазақстан футзал құрамасы Сербияны жеңіп қола жүлдегер атанды. Қазақстан - УЕФА 1996 жылдан бергі футзал тарихында медаль алған алғашқы дебютант ел.

Наурыз

• 14 наурыз - Анкарада лаңкестік әрекеттен жойқын жарылыс болып, 37 адам ажал құшты.
• 15 наурыз - АҚШ-та математик, Нобель сыйлығының иегері Ллойд Стауэлл Шепли (1923 жылы туған) 92 жасында қайтыс болды.
• 17 наурыз - Қазақстан Парламентінің Сенатының депутаттары балалардың құқығын қорғау туралы заңды мақұлдап, педофилдерге химиялық кастрация жасау жазасына рұқсат берді.
• 17 наурыз - Сенат депутаттары Білім беру туралы заңға түзету енгізді, бұл заң мектеп түлектеріне ҰБТ-ны екінші мәрте тапсыруға мүмкіндік береді.
• 25 наурыз - «FIFA TOP-100» тұжырымдамасы бойынша ХХ ғасырдағы ең үздік футболшылар тізімінде Пеледен кейін екінші орын алған Нидерланд спортының жарқын жұлдызы Йохан Кройф 68 жасында өмірден өтті.

Сәуір

• 16 сәуір - демограф-ғалым, педагогика ғылымдарының кандидаты, саясаттану ғылымдарының докторы Мақаш Байғалиұлы Тәтімов дүниеден (30.4.1940 жыл) озды.
• 16 сәуір - Эквадорда магнитудасы 7,8-ге тең жер сілкінісі тіркеліп, салдарынан 413 адам қаза тапқан.
• 21 сәуір - Грекияда Рио-де-Жанейро олимпиадасының алауы тұтанды.
• 21 сәуір - Қазақстанда педофилдерге химиялық кастрация жасауға рұқсат ететін заң қабылданды.
• 21 сәуір - АҚШ-та ритм-энд-блюз стилінде ән шырқайтын, «Оскар», «Грэмми» және «Алтын глобус» байқауларының жеңімпазы Принс Роджерс Нельсон 58 жасында тұмаудан қайтыс болды.
• 24 сәуір - Атырауда Исатай-Махамбет алаңында 100-ден астам адам рұқсат етілмеген митингке шықты. Олар жерді шетелдіктерге сатуға мүмкіндік беретін Жер кодексіндегі өзгерістерге қарсы наразылық білдіруде.
• 25 сәуір - Білім және ғылым министрлігі келесі жылдан бастап ҰБТ-ны екі бөлікке бөліп, мектептерге мектеп бітіру емтиханын қайта енгізуді жоспарлап отырғандығын мәлімдеді.
• 25 сәуір - Мәдениет және спорт министрлігі 2016 жылдың 1 қыркүйегінен бастап Қазақстан мектептерінде «Зайырлылық және дінтану негіздері» атты жаңа пән оқытылатынын хабарлады.
• 29 сәуір - Тәжікстанның азаматтық хал актілерін тіркеу қызметі аты-жөнге "ов", "ова", "ович" және "овна" жалғауларын жалғауға ресми түрде тыйым салды.

Мамыр

• 3 мамыр - Бельгиялық Льеж университетінің ғалымы Мишель Гиллон жетекшілік ететін халықаралық астрономдар тобы үш жаңа планетаны анықтады.
• 5 мамыр - Қазақстан Президенті Нұрсұлтан Назарбаев Жер Кодексіне өзгерістер енгізуге жыл аяғына дейінгі мерзімде мораторий жариялады.
• 5 мамыр - Армения үкіметі Ереванды Әзербайжанның өзін-өзі жариялап алған Таулы Қарабақ аймағының тәуелсіздігін мойындауға шақыратын заң жобасын мақұлдады.
• 6 мамыр - Назарбаев "Бек Эйр" ұшағын шассисіз қондырған ұшқыш Дмитрий Родин мен сарбазды граната жарылысынан құтқарып қалған Қайрат Үмбетовке "Халық қаһарманы" атағын беру туралы Жарлыққа қол қойды.
• 7 мамыр - "Мюзикола" тобының гитарисі Болат Сыздықов (60 жаста) қайтыс болды.
• 18 мамыр - Қазақстан президенті Нұрсұлтан Назарбаевтың Жарлығымен Олжас Омарұлы Сүлейменовке «Қазақстанның Еңбек Ері» атағы берілді.
• 19 мамыр - Геннадий Головкин WBA тұжырымы бойынша әлем чемпионы атағын және WBC тұжырымының чемпионы атағын алды.
• 25 мамыр - Қарсыласынан 1:44 есебімен жеңілген эквадорлық футбол командасы дивизионнан шығарылды.
• 27 мамыр - Грек археологы Константинос Сисманидис Солоники қаласында өтіп жатқан ғылыми конференция барысында әйгілі ғалым Архимедтің моласын тапқандығын мәлімдеді.
• 30 мамыр - Медицина ғылымдарының докторы, академик, Асфендияров атындағы Қазақ ұлттық медицина университетінің ректоры Айқан Ақанұлы Ақанов (65 жас) дүниеден өтті.

Маусым

• 3 маусым - АҚШ-та тыныс алу проблемаларына байланысты ауруханаға жатқызылған есімі аңызға айналған боксшы Мұхаммед Әли қайтыс болды.
• 5 маусым - Ақтөбе орталығында террористік акт орын алып, атыс кезінде 21 адам қаза болып, 38 адам жарақат алды.
• 7 маусым - Қырғызстанда өз мемлекеттік тілін білмегені үшін айыппұл төлеу туралы заң шықты.
• 8 маусым - Қазақстан Президенті Нұрсұлтан Назарбаев 9 маусымды ұлттық аза тұту күні деп жариялады.
• 10 маусым - Дүниежүзілік бокс қауымдастығы (WBA) кәсіпқой боксшылардың рейтингін жаңартып, ауыр салмақта өнер көрсететін қазақстандық Бейбіт Шүменов WBA (Regular) чемпионы мәртебесіне ие болып, тізімнің екінші сатысына жайғасты.
• 10 маусым - Францияның Сен-Дени қаласында Футболдан Еуропа чемпионаты 2016 басталды. Ол 10 шілде күні өз мәресіне жетеді. Чемпионатта бірінші рет 24 команда құрлық жүлдесін сарапқа салады.
• 12 маусым - Алматы облысының «Есік» қорық-музейінің қызметкері, археолог, атақты «Алтын адам» жауынгерін тапқан Бекмұханбет Нұрмұханбетов 81 жасына қараған шағында дүниеден өтті.
• 12 маусым - Белгілі ғалым, академик Қаныш Сәтбаевтың үлкен қызы, медицина ғылымдарының докторы, профессор Қаниса Қанышқызы Сәтбаева қайтыс болды.
• 15 маусым - «Экспо-2017» халықаралық көрмесінің билеттері жеңілдікпен сатылуды бастады.
• 14 маусым - Қатты желдің салдарынан Отырар, Бәйдібек аудандары мен Түркістан қаласында 300-ден астам ғимараттың шатыры ұшып, ағаштар құлады.
• 16 маусым - Лондонда 2012 жылы өткен Олимпиада ойындарының чемпиондары, ауыратлеттер Илья Ильин, Зүлфия Чиншанло, Майя Манеза және Светлана Подобедова допинг қолданды деген айыппен тергеу аяқталғанша жарыстардан шеттетілді.
• 16 маусым - Генерал-майор Мұрат Дүйсенбіұлы Қалматаев (1936 жылы туған) дүниеден өтті.
• 19 маусым - Германия мұсылман елдерінен келген мигрант-мұсылмандарға бірнеше әйел алуға тыйым салды.
• 20 маусым - Екібастұз прокуратурасы БАҚ және Интернет-сайттарға мониторинг жүргізіп, ВКонтакте, My mail және Facebook желілерінде суицидті насихаттайтын 13 топты бұғаттады.
• 21 маусым - «Ардагерлер ұйымы» РҚБ төрағасы лауазымына Бақтықожа Салахатдинұлы Ізмұхамбетов сайланып, Қазақстан Республикасы Парламентінің Мәжілісі Төрағасы лауазымынан кетті.
• 21 маусым - Қазақстан Республикасы Президентінің Әкімшілігінің басшысы қызметін атқарған Нұрлан Зайроллаұлы Нығматулин Қазақстан Республикасы Парламентінің Мәжілісінің депутаты болып тіркеліп, бұрынғы қызметінен босатылды.
• 24 маусым - Ұлыбританияның Еуроодақтан шығуын жақтайтындар референдумда 16,7 миллион дауыс жинап жеңіске жетті.
• 28 маусым - Қазақстан БҰҰ Қауіпсіздік кеңесінің 2017-2018 жылдарға тұрақты емес мүшесі болып сайланды.
• 30 маусым - 5-21 тамыз аралығында Рио-де-Жанейро қаласында өтетін жазғы Олимпиада ойындарының ашылу салтанатында Қазақстан туын таеквондошы Руслан Жапаров алып шығатын болды.

Шілде

• 3 шілде - Қазақстанның денсаулық сақтау министрі қызметін атқарған Салидат Қайырбекова ауыр сырқаттан көз жұмды.
• 3 шілде - Бағдадтың орталығындағы Әл-Каррада ауданында болған терактіден 213 адам мерт болды.
• 4 шілде - Түнгі сағат 01:00-де Астанадағы №1 перинаталдық орталықта Астананың миллионыншы тұрғыны дүниеге келді.
• 9 шілде - Танымал жазушы, ақын, мәдениеттанушы, көсемсөзші, аудармашы Әуезхан Әбдіраманұлы Қодар (58 жаста) дүниеден өтті.
• 10 шілде - Моңғолиядағы қазақтар мекендеген Баян-Өлгей аймағының орталығы Өлгей қаласында бұршақ аралас жаңбыр әсерінен сел жүріп алтыншы және тоғызыншы бөліктерін сел шайып кетті, салдарынан 100-ден аса үй суға кетіп, 700 адам баспанасыз қалды, адам шығыны бар.
• 11 шілде - Футболдан Еуропа чемпионатының финалдық матчында Португалия құрамасы Франция командасын жеңіп Еуропа чемпионы атанды.
• 15 шілде - Францияның оңтүстік-шығысындағы Ницца қаласында террорлық шабуыл болып, соңғы мәліметтерге қарағанда 80-ге жуық адам ажал құшты.
• 18 шілде - Алматы қаласында лаңкестік әрекет орын алып, 5 полиция қызметкері мен 1 бейбіт тұрғын қаза тапты. 5 полиция қызметкері жарақаттанған.

Тамыз

• 6 тамыз - Бразилияның Рио-де-Жанейро қаласында төртжылдықтың басты додасы - XXXI Жазғы Олимпиада ойындарының ашылу салтанаты басталды.
• 12 тамыз - Танымал америкалық жүзуші Майкл Фелпс Рио-де-Жанейродағы Олимпиада ойындарында тарихта тұңғыш рет 22 дүркін Олимпиада чемпионы атанды.