Ұзынмұрттылар

Ұзынмұрттылар, масалар (Nematoceea) - қарапайым құрылымды қосқанаттылардың кеңінен тараған туыс тармағына жататын жәндіктер. Мұрттары ұзын, көпбуылтықты, (7 ден 65 дейін). Денесі әдетте жұқа, аяқтары ұзын. Дернәсілдерінде жақсы дамыған бас жабындысы бар, мандибулалары мен максиллалары бірікпеген. Қуыршағы жабылған, жабындысы ересек жәндік шығар алдында тігінен екіге бөлінеді. Ұзынмұрттылар туыс тармағы келесі туыстастарды өз құрамына енгізеді: галлицтар, санырауқұлақ масалары, ұзынаяқтылар, ызылдауық-масалар, қан сорғыш масалар, құмытылар, ін шіркейлері, шіркейлер және т.б.