Ұйытқыма (шквал) - қысқа уақыт аралығында желдің күрт күшейіп, бағытының қым-қиғаш өзгеруі; көбіне күн күркірерде және нөсердің алдында байқалады. Жекелеген ұйытқымалардың ұзақтығы бірнеше минутқа созылады. Мұндай кездерде желдің жылдамдығы секундына 20-30 метрден асуы мүмкін. Ұйытқымалар көбіне циклондардың суық лебі өтер кезде немесе ауаның жылы қабаттары мен суық қабаттары қауырт сапырылысқан кезде байқалады. Ұйытқымалар әр түрлі құрылыс имараттарын зақымдайды, ормандарда ағаштарды құлатып, су қоймаларында бей-берекет толқындар тұдырады.[1]

Дереккөздер өңдеу

  1. Орысша-қазақша түсіндірме сөздік: Физика / Жалпы редакциясын басқарған э.ғ.д,, профессор Е. Арын – Павлодар: С. Торайғыров атындағы Павлодар мемлекеттік университеті, 2006. ISBN 9965-808-88-0