Ұялышалқар
Ұялышалқар – Нұра алабындағы көл.
| Ұялышалқар | |
| Морфометрия | |
|---|---|
| Теңiз деңгейiнен биіктігі | 328,2 м |
| Өлшемі | 5,9 × 5,4 км |
| Ауданы | 16,1 км² |
| Жағалау сызығының ұзындығы | 19,4 км |
| Орналасуы | |
| 50°37′19″ с. е. 70°21′38″ ш. б. / 50.62194° с. е. 70.36056° ш. б. (G) (O) (Я)Координаттар: 50°37′19″ с. е. 70°21′38″ ш. б. / 50.62194° с. е. 70.36056° ш. б. (G) (O) (Я) | |
| Ел |  Қазақстан |
| Аймақ | Ақмола облысы |
| Аудан | Қорғалжын ауданы |
Географиялық орны өңдеу
Ақмола облысы Қорғалжын ауданындағы жерінде орналасқан. Көл Ұялы ауылының шығысында 2 км жерде, теңіз деңгейінен 328,2 м биіктікте.
Гидрографикасы өңдеу
Ауданы 16,1 км 2 (кей жылдары 17,6 км 2). Ұзындығы 5,9 км, ең енді жері 5,4 км. Жағалау сызығы 19,4 км. Солтүстік және батыс жағалары биік, жарлы, оңтүстік және шығыс жағалары түйетайлы, жайпақ. Түбі құмды, кей жерлері батпақты. Ұялышалқарды Нұра өзені жарып ағып өтеді. Сондықтан оның суының деңгейі көбінесе Нұра өзеніне байланысты. Көл негізінен көктемгі қар және жерасты суларымен толығады. Суы тұщы, ауыз су ретінде және мал суаруға пайдаланылады.
Өсімдігі, жануарлары өңдеу
Жағалауының таяз жерлерінде қамыс өскен. Көлде алабұға, мөңке, аққайран, шортан, шабақ, қарабалық мекендейді. Көптеген су құстары ұя салады.[1]
Дереккөздер өңдеу
- ↑ АТАМЕКЕН: Географиялық энциклопедия. / Бас ред. Б.Ө.Жақып. – Алматы: «Қазақ энциклопедиясы», 2011. – 648 бет. ISBN 9965-893-70-5