Өтеміс Уәлиұлы Мырзағалиев

Өтеміс Уәлиұлы Мырзағалиев 1956 жылы 12 қазанда Гурьев облысы Теңіз ауданының Лобай ауылында туған. Қазақ. Батыс Қазақстан ауылшаруашылық институтын (1979) зооинженер мамандығы бойынша; Ресей әлеуметтік-саяси институтын (Мәскеу қаласы, 1991) әлеуметтанушы-саясаттанушы мамандығы бойынша; Менеджмент және маркетинг институтын (Атырау қаласы, 2002) менеджер-экономист мамандығы бойынша бітірген. қазақ және орыс тілдерін біледі. «Нұр Отан» ХДП мүшесі. 1979 жылдың қазанынан - Орал облысы Орда ауданының «Орда» кеңшарында №4 бөлімше зоотехнигі, 1981 жылдың қазанынан - аға зоотехнигі, 1982 жылдың шілдесінен - №4 бөлімше басқарушысы, 1983 жылдың шілдесінен - №1 бөлімшенің аға зоотехнигі. 1985 жылдың маусымынан - Орал облысы Орда ауданының Т. Масин атындағы кеңшарында аға зоотехник, 1986 жылдың сәуірінен - бас зоотехник, 1987 жылдың қаңтарынан - партия комитетінің хатшысы. 1989 жылдың қыркүйегінен - жоғары партия мектебінің тыңдаушысы (Вильнюс қаласы, Литва КСР-і). 1990 жылдың қыркүйегінен - Ресей әлеуметтік-саяси институтының студенті. 1991 жылдың тамызынан - Орал облысы Орда аудандық Халық дөпутаттары кеңесінің істер басқарушысы. 1992 жылдың наурызынан -Орал облысы Орда ауданының әкімшілігінде істер басқарушысы, әкімшілік аппаратының жетекшісі. 1996 жылдың наурызынан - БҚО Орда ауданы әкімдігінің ұйымдастыру және кадр жұмысы бөлімінің меңгерушісі. 1997 жылдың маусымынан - БҚО Орда аудандық ауыл шаруашылығы бөлімінің бастығы. 1999 жылдың ақпанынан - БҚО Орда ауданы әкімінің орынбасары. 2000 жылдың тамызынан - Атырау қаласының Мемлекеттік аумақтық жылжымайтын мүлік жөніндегі комитетінің бөлім меңгерушісі. 2002 жылдың ақпанынан - БҚО әкімінің аппаратында ұйымдастыру- бақылау жүмысы бөлімінің бас инспекторы. 2003 жылдың наурызынан - БҚО Бөкейорда ауданының әкімі. 2008 жылдың мамырынан бері - Батыс Қазақстан облысы Тасқала ауданының әкімі. «Астананың 10 жылдығы» медалімен марапатталған (2008). Мәдениет қайраткері (2005). Әскери атағы - запастағы аға лейтенант. Діни көзқарасы - «Оң көзқараста, кез келген конфессияның сенушілерін құрметтеймін». Саяси қайраткер ретіндегі идеалы - Н.Ә. Назарбаев. Қазақстанның болашағы туралы болжамы - «Әлемдік нарықта бәсекеге қабілетті, экономикалық дамыған, тұрақты саяси жағдайға ие мемлекет». Хоббиі - көркем тарихи әдебиет оқу; қазақ композиторлары Құрманғазы, Дәулеткерей, Сейтектің күйлері. Сүйіп оқитын әдебиеті - тарихи шығармалар. Үйленген. Жұбайы - Мырзағалиева Әсем Қанатбайқызы, Қ. Сәтбаев атындағы ОМ мұғалімі. Ұлдары - Мырзағалиев Азат, Уәли Мейрамбек.