Need for Speed (ойындар сериясы)

Need for Speed (қаз. Жылдамдық құштарлығы) — Electronic Arts компаниясының көлік жарысы бейнеойындарының сериясы. Ойындардың негізгі ойы жеңіл автокөліктерде әртүрлі трассаларда жарыстарға қатысу болып табылады (Underground 2 (жол талғамайтын көліктер бар), Carbon және Most Wanted (өрт сөндіруші және жүк көліктері бар) басқасы), сонымен қатар ойынды аяқтау үшін көбіне жарыстарда мәреге бірінші болып келуі талап етіледі. Ойындардың жеке компьютерлермен қоса ойын приставкаларына арналған нұсқалары бар: 3DO, Microsoft Xbox, Xbox 360, Sony PlayStation, PlayStation 2, PlayStation 3, PlayStation Portable, PlayStation Vita, GameBoy Advance, Nintendo GameCube, Wii, DS, сонымен қатар iPhone , iPad және Android

Need for Speed
Need for Speed сериясының логотипі
Жанрлар Автосимулятор
Жобалаушы КанадаEA Canada (1994—2001)

СингапурEA Singapore (2009)
КанадаEA Black Box (2001—2011)
КанадаEA Montreal (2009)
ҰлыбританияSlightly Mad Studios (2009-2011)
ҰлыбританияCriterion Games (2010-2013) (2020-2023)
ШвецияGhost Games (2013-2020)
ФранцияEden Studios (1997—1999)
ҰлыбританияEA Bright Light (2009)
АустралияFiremonkey Studios (2015-2023)

Таратушы Electronic Arts
Платформалар IBM PC

3DO
PlayStation
PlayStation 2
PlayStation 3
PlayStation 4
PlayStation 5
PlayStation Portable
Xbox
Xbox 360
Xbox One
Xbox Series X/S
GameCube
Game Boy Advance
Nintendo DS
Nintendo Wii
Symbian
Android
Windows Mobile
iOS
Java

Қозғалтқыштар Frostbite (2010-2022)
Бірінші ойын The Need for Speed
Бірінші ойын уақыты 31 тамыз 1994 жыл
Соңғы ойын Need for Speed: Unbound
Соңғы ойын уақыты 2 желтоқсан 2022 жыл
Спин-оффтар V-Rally, V-Rally 2, V-Rally 3, Motor City Online, Nitro, World

Серия тарихы өңдеу

Need for Speed сериясының алғашқы ойынын Канаданың Ванкувер қаласындағы EA Canada студиясы жасап шығарды. Кезінде Distinctive Software атауымен белгілі болған студия 1991 жылы Electronic Arts компаниясының құрамына кірместен Stunts және Test Drive II секілді автожарыс серияларымен танылған болатын. Сондықтан 1992 жылы NFS ойынын бастамас бұрын компанияның тәжірбиесі болған етін. EA Canada және EA Seattle осы серияның ойыдарын көп уақыт жасады. 2002 жылы Ванкуверлік Black Box Software компаниясы Need for Speed: Hot Pursuit 2 ойынын жасап шығаруға контракт алыды. Ойын шыққаннан соң Black Box Software EA құрымна кіріп, EA Black Box атала бастады. Осы кезден бастап EA Black Box Need for Speed сериясындағы ойындардың негізгі жасап шығарушысы болып келеді. 2009 жылы 24 қазанда EA NFS сериясы ойындарының 100-миллионыншы көшірмесі сатылғанын хабарлады. Компьютерлік ойындар тарихында мұндай нәтижеге Need for Speed-тен басқа 5 ойын сериясы жеткен: Grand Theft Auto, The Sims, Mario, Pokemon және Tetris. [1]

The Need for Speed өңдеу

Толық мақаласы: The Need for Speed

1994 жылы жарық көрген алғашқы ойын The Need for Speed аталып бейнеойындар нарығында үлкен серпіліс әкелді. Алғашында ойын 3DO приставкасына шығарылды, ал 1995 жылы ДК мен PlayStation-ға көшірілді. Ойында дуэль, көп қарсыласпен жарысу және уақытқа жарысу режимдары бар. Өз уақыты үшін керемет графика, полициядан қашу, автокөліктердің көптүрлілігі, оңай әрі ыңғайлы басқару ойыншылар арасында үлкен танымалдылыққа алып келді. Бір жылдан соң тек ДК-ға арналған The NFS: Special Edition шықты. Бұл нұсқаға 2 жаңа трасса мен менюда ғана емес, жарыс кезінде де әуен тыңдауға мүмкіндік пайда болды. 3DO-ға арналған нұсқада жарыстар тек А нүктесінен Б нүктесіне ғана болатын, шеңберлі тұйық трассалар болмағандығы ойынды басқалары алдында ерекш көрсететін. Сол кездер үшін сапалы жасалған 2D кабиналар автокөліктердің салонын қарап шығуға мүмкіндік беретін. Сонымен қатар ойында жол апаттары ерекше есте қалатын. Жоғары жылдамдықтағы соқтығысулар кезінде көліктер ауада ұша отырып таңқаларлық айналымдар жасайтын. Әрі ойында қайталанатын жол апаттары жиі болмаған, сондықтан әрбір соқтығысу жеке қойылым болып көрінетін. Сөре (старт) кезінде артқа жүруге болатын, ол кезде жеңіліс есептелетін. Трассада камераны артқа бұруға болмайтын, ол үнемі алдыға қарайтын.


Need for Speed II өңдеу

Толық мақаласы: Need for Speed II

1997 жылы 30 сәуірде дүңгіршектерде Need for Speed II пайда болды. Тек кішкене жақсартылған графика 1997 жылы жарық көрген басқа ойындармен сынаса алмады, ал концептуалды өзгерістер мен полицияның жоқтығы, қарапайым, айналмалы трассалар ойынның сатылымына жаман әсер етті. 1997 жылы 6 қарашада АҚШ-та, 1998 жылы 2 ақпанда Жапония мен Еуропада NFS II Special Edition сатылымға түсті. Special Edition құрамына қосымша 1 трасса, бонустық автокөліктер, көліктердің сырғуы (дрифт) кірді және 3dfx Voodoo мен Voodoo 2 графикалық карталарында қолданылатын жаңа 3D-графикалық стандарт қолданылды. Осы жаңартпалар ойынға автокөлікте кескіннің кері көріну, ауа-райы, жақсартылған тұман мен горизонт сияқты қосымша визуалды эффектілерді қосуға мүмкіндік берді. SE-нұсқадағы трассалардың бірінде көліктің маңдай терезесіне соғылған жәндіктер эффектісі болды.

Need for Speed III: Hot Pursuit өңдеу

Толық мақаласы: Need for Speed III: Hot Pursuit

Өз қателігін түсінген Electronic Arts бір жылдан соң Need for Speed III: Hot Pursuit ойынын шығарды. Ойында бұрын бәріне ұнаған шын тест-дравтағы көліктер көрсетілген бейнероликтер болмады. Есесіне ойын 3D-жылдамдатқыштарды қолдана алатын, соның нәтижесінде ойын керемет графика мен трассаларға полицияның қайтып келуімен ерекшеленді. Бұл бөлімде ойыншыларға бірінші рет полиция автокөліктерін айдап, ереже бұзушыларды ұстауға мүмкіндік берді. Бір трассада тәуліктің әр уақытында және әртүрлі ауа-райында жарысуға мүмкіндік туды. Ойында алғаш рет динамикалық саундтрек пайда болды - трассадағы жағдайға байланысты әуендер ауысып тұратын. Сатылымның алғашқы бірнеше айында ойын үздіктер қатарында болды. Playstation-ға арналған нұсқа автокөліктер қатарымен және бастапқы қойылымымен ерекшеленді.

High Stakes өңдеу

Толық мақаласы: Need for Speed: High Stakes

Need for Speed: High Stakes 1999 жылы шықты. Атаудан сандық белгілеу алынып тасталып, орнына тақырыпшалар қолданыла бастады. Төртінші ойын алдыңғы ойынның ойын дамытып отырды, көліктер мен трассалар көбейді (бонус ретінде NFS III ойынының барлық трассалары болды), экономикалық модельі (енді ойыншы жарыстарға қатыса отырып ақша тапты, оған жаңа автокөліктер мен қосалқы бөлшектер сатып алынды) мен соқтығысулар жүйесі пайда болды . Нәтижесінде соқтығысулар автокөліктердің жүру сапасына әсер етті. Көліктерді жолдағы жүріс физикасы шынайылылыққа бет бұрды. Ойын саундтрегінің орнына аудио-диск (CD) арқылы әуен тыңдауға болатын. Көбісі NFS III-ті ойнап бітірмегендіктен және High Stakes ойынындағы басқарудың ерекшелігінен ойын сатылымы жоғары болмады.

Porsche Unleashed өңдеу

Толық мақаласы: Need for Speed: Porsche Unleashed

Тағы бір жылдан соң Need for Speed: Porsche Unleashed шықты. Ойынның жарнамалық ролигі басты рөлде Николас Кейдж ойнаған «60 секундта ұрлау» фильмінің эпизодтарын қолданумен жасалды. Серияның бесінші бөлімі толығымен Porsche автокөліктеріне арналды. Мұнда 1950-2000 жылдар арылығындағы түгел дерлік модельдік қатар ұсынылған. Ойында бірнеше ерекше режим, жақсартылған графика мен автокөліктер соқтығысуы және керемет Porsche энциклопедиясы болды. Ойын жасаушылары қолында Porsche автокөліктерінің техникалық сипаттамалары туралы ешқандай деректер болмаса да, бұл сол кездер үшін ең шынайы физикасы бар автосимулятор болды. Болид сапасы ойыншының өзіне байланысты болды: көліктердің сырқы келбетімен қоса (түсі, нөмірі, кузовтағы сызықтар, кузов бөлшектері) қозғалтқыш бөлшектерін де ауыстыруға болатын. Сонымен қатар әр дәуірді («Классикалық дәуір», «Алтын дәуір», «Супер дәуір») бітіргенде ұтып алуға болатын үш көлікте (550 Spyder, 935/78 Moby Dick, 911 GT1) сатылар коробкасының деңгейлері санын өзгертуге болатын. Бұл жаңғыртпалар көліктің техникалық сипаттамасына ерекше әсер ететін. Шыншылдықтан басты ауытқу қатты соқтығысулар нәтижесінде жүргізушінің тірі қалуы еді. Серияның бұрынғы ойындарына қарағанда мұнда көлікті басқаруды үйрену керек болды. Батыс елдерінде танымалдылыққа ие бола алмаған бесінші бөлім ТМД елдерінде табысқа бөленді. Playstation-ға арналған нұсқа графикалық және ойындық жағынан қатты ерекшеленді.

Need for Speed: Motor City Online өңдеу

Толық мақаласы: Need for Speed: Motor City Online

Need for Speed: Motor City Online — 2011 жылы IV тоқсанда жарық көрген Electronic Arts компаниясының келесі жобасы серияның жалғасы болып танылмағанымен, шын мәнінде солай болды. Ойынның жобалануы енді басталған кезде EA ойынның тек онлайн режимінде ғана болатынын және ірі айлық пайда әкелетінін хабарлаған болатын. Басқа сөзбен айтқанда, ойынды тек кең каналды ғаламторға қосылғандар ғана ойнай алатын. Бұл хабарлама әлемдік желідегі NFS сериясының жанкүйерлері арасында негативті пікірлер айтуына алып келді. Тіпті көптеген ірі арнайы мамандандырылған сайттар компанияны бұл шешімнен бас тартуға көндірмекші болды. Алайда бұдан ештеңе шықпады. Жоба құрдымға кетті.

Hot Pursuit 2 өңдеу

Толық мақаласы: Need for Speed: Hot Pursuit 2

Need for Speed III: Hot Pursuit 1998 жылы шықты. Серияны 2002 жылы, Electronic Arts компаниясына PlayStation 2 үшін мықты ойын керек кезде, қайта еске алды. Алдын ала жоспар бойынша NFS сериясының ең үздік ойынын — Need for Speed III: Hot Pursuit-тің концепциясын дамыту керек деп шешілді. ДК мен PS2-ге арналған нұсқаларда ерекшеліктер айтарлықтай болды: PS2-нұсқада болған арнайы эффектілер,кинематографиялық қайталаулар, жақсартылған автокөліктер физикасы компьютерлік нұсқада болмады. Ойынды Ванкуверлік BlackBox компаниясын сатып алынғаннан кейін жаңадан құрылған EA Black Box жасап шығарды. Сонымен қатар бұл 6 ұрпақтағы консольдерге арналған алғашқы ойын болды. Геймплей көбіне NFS III-пен ұқсас; EA полициямен жарысқа қайтып келді. Тағы полиция үшін ойын қосылды.

Underground өңдеу

Толық мақаласы: Need for Speed: Underground

Need for Speed: Underground ойынының негізгі концепциясы стритрейсинг таырыбының әлемде кең етек жаюы болытын. Серияның жетінші бөлімі Need for Speed: Hot Pursuit 2 ойынынан кейін бір жыл өткеннен соң шықты. Ойын көше жарысушыларының түнгі жарыстарына арналды. Ең басты ерекшелік — автокөліктер тюнингі болды. Енді қымбат әрі экзотикалық көліктер орнына ойыншыларға қарапайым сериялы автокөліктер ұсынылды. Бұл ойдың ойыншыларға ұнағаны соншалық, ойын бестселлерге айналды.

Underground 2 өңдеу

Толық мақаласы: Need for Speed: Underground 2

Need for Speed: Underground ойынының жетістіктері EA компаниясын келесі жылы Underground 2 ойынын жарыққа шығаруға алып келді. Underground 2 стритрейсинг тақырыбын жалғастыра отырып, көптеген жаңа мүмкіндіктерге ие болды. Енді ойын толыққанды қала - Бейвью қаласында өтетін болды. Ойыншыларға 200 шақырым тас жол, жасырын автошеберханалар, қаланы аралап жүретін көптеген қарсыластар ұсынылды.

Most Wanted өңдеу

Толық мақаласы: Need for Speed Most Wanted

NFS MW 2005 жылы қарашада шықты. Ойын желісі Рокпорт виртуалды қаласынна көшірілді және Underground пен Underground 2 ойындарынан басты айырмашылығы — мұнда бар ойын түскі уақытта өтілді. Ойыншының міндеті — Black List — қаланың ең үздік стритрейсерларының тізімінде өз көлігімен жоғары шығу. Бұл тізімде Рокпорт қаласының ең үздік жарыскерлері - барлығы 15 адам бар. Ұзақ кідірістен кейін (NFS: Hot Pursuit 2-тан кейін) ойынға полиция қайта қосылды. Xbox 360-қа арналған нұсқа ең кереметі болды: дәл сол уақытта күн мерзімін ауыстыруға болатын. Алғаш рет серияда бюджеттіден эксклюзивтіге дейінгі автокөліктер болды. Серияның жанкүейрелері арасында осч бөлім ең үздіктердің бірі ретінде саналады.

Carbon өңдеу

Толық мақаласы: Need for Speed Carbon

Бұл бөлім негізінен Most Wanted-тағы оқиғалардың жалғасы болып табылады. Бірақ енді ойыншы алдында бірнеше ауданға бөлінген түнгі қала. Әр ауданда өз «көше каролі» бар және ойыншы солардың бәрімен «Карбон» каньонында бірге бір жарысуы керек. Ойынды өту мағынасы осында жатыр.

Негізгі жаңашылдықтар:

  • Autosculpt (тюнингтің көптеген параметрлерін өзгерту: спойлер, диск, дөңгелек, т.б. өлшемдерін 0-ден 100%-ға дейін өзгерту.
  • Көліктерді үш санатқа бөлу (Tuner, Muscle, Exotic). Әр санаттың өз артықшылығы мен кемшілігі бар.
  • Команда жинақтау мүмкіндігі (әр көше басшыларын жеңігеннен кейін сол басшының досы өз көмегін ұсынады. Әркімнің өз міндеттері мен ерекше қабілеттері бар).

ProStreet өңдеу

Толық мақаласы: Need for Speed: ProStreet

Need for Speed: ProStreet серияның жалғасы болып табылады. Ойынды EA Black Box студиясы жасап шығарды. Ойын Солтүстік Америкада 2007 жылы 13 қарашада, ал Еуропада 2007 жылы 23 қарашада сатылымға түсті.

ProStreet-те ойыншы аркадалық жарыстар орнына шынайы автосимуляторға қайта оралады. Ойынның автокөліктердің шынайы зақымдануы басты ерекшілігі болып табылады. [2][3]. Сонымен қатар ойында еркін жүру режімі жоқ. Оның орнына барлық жарыстар арнайы жабық жарыс трассаларында өткізіледі. Need for Speed: ProStreet ойынында келесі жарыс түрлері бар: грип, дрэг, дрифт, жылдамдық.

Undercover өңдеу

Толық мақаласы: Need for Speed: Undercover

Need for Speed: Undercover ойынын EA Black Box студиясы жасап шығарды. Сатылымға 2008 жылы 18 қарашада түсті. Ойын серияның бұрынғы шығарылымдарына қарағанда ұзақ уақыт жасалды (16 ай) [4]. EA Games президенті Фрэнк Гибо ,ProStreet-тің EA ұмітін ақтамағандығынан, франшизаның өзінің бұрынғы ерекшеліктеріне қайта оралатынын хабарлады. Ойынға ашық ойын әлемі оралды және жаңадан шоссе шайқасы режімі қосылды. Жаңа ойын орташа бағалауға ие болды, бірақ бұл бағалау ProStreet-ке қарағанда жақсы болды.

Need for Speed: Most Wanted сияқты ойын желісі тюнинг пен полициядан қашуға негізделген. Ойында 50-ден аса автокөлік ұсынылған. Ойын барысы ойдан жасалған Три-Сити қаласында өтеді.

Shift өңдеу

Slightly Mad Studios-пен жасалған Need For Speed топтамасындағы бірінші ойын. Ойын процесі енді реализмге ауысып, камера көлік ішінде орналасатын болды. Ойында 16 жарыс түрі, 20 көлік және 28 трасса бар.

Nitro өңдеу

World өңдеу

Hot Pursuit (2010) өңдеу

Shift 2: Unleashed өңдеу

The Run өңдеу

Most Wanted (2012) өңдеу

Rivals өңдеу

Need For Speed (2015) өңдеу

No Limits өңдеу

Payback өңдеу

Heat өңдеу

Unbound өңдеу

Толық мақаласы: Need for Speed: Unbound

Need for Speed: Unbound қазіргі таңда Need For Speed сериясындағы соңғы ойын.

Ойынның оқиғалары Лейкшор-Сити атты ойдан алынған қала ішінде өтуде. Бұрынғы ойындардағыдай, осы ойында да ашық әлем, заңсыз далалық жарыстар және жақсы деңгейде орындалған тюнинг жүйесі бар.

Дереккөздер өңдеу

  1. Игры серии Need For Speed продались тиражом в 100 миллионов. Мұрағатталған 28 шілденің 2010 жылы.
  2. NFS 11: New Infos!  (ағыл.). NFS-Planet. Басты дереккөзінен мұрағатталған 29 қаңтар 2013. Тексерілді, 27 қараша 2013.
  3. NFS 11: New rumours  (ағыл.). NFS-Planet. Басты дереккөзінен мұрағатталған 4 қаңтар 2013. Тексерілді, 27 қараша 2013.
  4. Mark Androvich. Riccitiello: We were torturing Vancouver studio  (ағыл.). GamesIndustry.biz (18 June 2008). Басты дереккөзінен мұрағатталған 4 желтоқсан 2012. Тексерілді, 27 қараша 2013.

Сыртқы сілтемелер өңдеу