Айгүл халық ансамблі

"Айгүл" - Қазақ мемлекеттік қыздар педагогика институтының жанынан құрылған вокалды-аспаптық халық ансамблі. 1968 ж. вокалды-аспаптық квартет түрінде құрылған. Репертуарынан қазақтың халық әндері, басқа ұлттардың ән-билері орын алды. 1975 ж. "Айгүлге" халық ансамблі құрметті атағы берілді. "Айгүл" гастрольдік сапармен бұрынғы одақтас республикаларды, шет елдерді Полыианы (1970), Югославияны (1973), Моңғолияны (1977), Германияны (1978), Франңияны (1972) және Жапонияны (1976) аралады. "Айгүл" Лейпциг қаласында өткен Халықаралық жәрмеңкеге (1979), 22-Олимпиада ойындарының (1980, Мәскеу қ.) мәдени бағдарламасына, Конго халық республикасында өткен Қазақстан күндеріне (1982) қатысты. Қазақстан Комсомол сыйлығының лауреаты (1978). Ансамбльдің көркемдік жетекшілік - әр жылдары М.Балтабаев, Ж.Тұяқбаевтар (1978 жылдары бастап) болды.