Басты мәзірді ашу

Аймұхамбет Жанат Әскербекқызы

Аймұхамбет Жанат Әскербекқызы(01.01.1966 ж.т., Тарбағатай ауданы Қарасу ауылы)-ақын, ғалым, филол. ғыл. докт.(2010), доцент. Қазақстан Жазушылар одағының мүшесі. ҚазМУ-ды (1987, қазіргі ҚазҰУ) бітірген. Тарбағатай ауданындағы Құйған ауылындағы отра мектебінде мұғалім(1987-95), Шығыс Қазақстан мемлекеттік университетінде аға окытушы(1995-2000), 2000 жылдан бері Еуразия ұлттық университетінің қазақ әдебиеті кафедрасында қызмет істеп келеді. 'Әлем әдебиеті' журналында поэзия бөлімінің меңгерушісі. Негізгі ғылым бағыты әдебиеттің теор. мәселелері, өлеңтану, әдебиет пен миф байланысына арналған. 'Ғарыш билер ғұмырымды'(1999), 'Қаракоөз бұлақ'(2001),'Қаңтардағы қызыл гүл'(2001), 'Көктүріктер әуені'(2002) , 'Қаз қанатындағы ғұмыр'(2007) жыр жинақтары шыққан.'Миф дүниесі және көркемдік әлем'(2004), 'Көркемдік ізденіс'(2008) ғыл.-зерт. кітаптарының авторы. М. Лермонтовтың, Н. Гумилевтің, жапон ақыны Сайгенің, тәжік ақыны Фарзонаның өлеңдерін қазақ тіліне аударған. 'Аққұс' респ. ақындар конкурсының(1998), Қ. Аманжоловтың 90 жылдығына арналған респ.жыр конкурсының, 'Шығыс шынары' халықтар, жыр мүшайраларының(2010,2011) жүлдегері, 'Шабыт' фестивалінің(1999) бас жүлдегері. Ж. Әбдірашевтың атындағы сыйл. рауреаты (2004). Еуразия ұлттық университетінің 'Күлтегін' медалімен марапатталган. ЖОО-ның үздік оқытушысы(2011).