Айналым қаржысының нормативі

Айналым қаржысының нормативі — қаржы жоспарымен белгіленген қаржылар сомасы.

Қаржы айналымы нормативі арнайы кестелер мен формулаларға орай құрылады

Айналым қаржысының нормативінің мәні

Бұл кәсіпорындар мен шаруашылық ұйымдарға қажетті шикізаттың, материалдың, отынның, аяқталмаған өндірістің тағы басқа минималдық және жеткілікті қорын жасауға жұмсалады. Айналым қаржысының нормативі барлық мемлекет кәсіпорындар мен ұйымдарда айналым қаржысын нормалау туралы негізгі ережеге сәйкес есептеледі. Айналым қаржысының нормативінде кәсіпорындардың негізгі қызметін бірге шаруашылық әдіспен жүргізілетін күрделі жөндеуге, көмекші өндіріске тағы басқа мұқтаждарға қажетті қаржылар да есепке алынуы тиіс.

Бұрын кәсіпорындардың өндірістік қорына, аяқталмаған өндіріске, дайын бұйымдарға тағы басқа қажетті айналым қаржысының мөлшерін жоғарғы мүшелер белгілейтін. Жоспарлау мен экономикалық ынталандырудың жаңа жүйесіне көшуге байланысты жоғарғы мүшелер кәсіпорындардың өз көрсетуі бойынша меншікті айналым қаржысының жалпы мөлшерін (нормативін) белгілейді. Ал кәсіпорындар осы жалпы норматив аралығында әрбір элементі бойынша Айналым қаржысының нормативін өздері есептейді, оны кәсіпорын өз мүддесіне қарай жыл бойына өзгертіп отырады.

Шаруашылықты жүргізудің жаңа жағдайында кәсіпорындарға айналым қаржысының кем-кетігін мемлекет бюджеттен толтыруға үзілді-кесілді тыйым салынады. Олардың жетіспегені кәсіпорынның өз қаржысы немесе несие есебінен толықтырылып отыруы тиіс.