Акцияшы

Акцияшы – белгілі бір акционерлік қоғам (фирма, кәсіпорын) акцияларын иеленуші жеке немесе заңи тұлға. Оған қоғамның несиегерлері алдындағы міндеттемелері бойынша жауапкершілік жүктелмейді. Қоғамның мүлкі жекелеген А. мүлкінен толық оқшауландырылады. Қоғам дәрменсіз болған жағдайда А. өзіне тиесілі акциялардың ықтимал құнсыздануы қатеріне ғана ұшырайды. Оның құқықтары мүліктік құқық – жарияланған дивидендті алу құқығына, сондай-ақ фирма таратылған жағдайда оның мүлкі құнының бір бөлігін алу құқығына; жеке (беймүліктік) құқыққа – А-дің жалпы жиналыстарында дауыс беруге қатысу құқығына бөлінеді.