Алданазар Бұқарбайұлы

Алданазар Бұқарбайұлы (шамамен 19 ғасырдың 2-жартысы – 20 ғасырдың 1-жартысы) – Табын руынан шыққан белгілі би. Бұқарбай батырдың баласы.

Жасынан топқа түсіп, Жетірудың ішіндегі түйінді мәселелерді, жер дауы, жесір дауын әділдікпен шешкен. Оның өткір тілі, әділдігі, ой-пікірі, би-болыстарға, патша шенеуніктеріне жақпай, оны Жизаққа, кейінірек Жаппас, Алтынға жер аударған. Деректерге қарағанда Алданазар 1916 жылы, Ташкентте маусым жарлығына байланысты шақырылған ортаазиялық жиында патша жарлығының әділетсіздігі туралы өз пікірін губернаторға ашық айтқан.