Александр Иванович Соломарский

Александр Иванович Соломарский (12.7.1897, Ресей, Ейск қ. 12.6.1980, Киев қ.) - режиссер, актер, педагог, Қазақстанның (1943) және Украинаның (1954) халық артисі. 1923 ж. Киевтің халық ағарту институты мен театр студиясын бітірген. Алғашында актер болып, бірқатар рольдерді орындады. 1939 - 44 ж. Алматыда тұрып, қызмет етті. Мемлекеттік академиялық орыс драма театрының көркемдік жетекшісі болып, орыс және шет ел драматургиясы бойынша бірнеше елеулі спектакльдер қойды. Одесса театр училищесінде (1944- 53) және Киевтің театр институтында (1954 - 78) педагогикалық қызметпен шұғылданды.