Алессандро Дел Пьеро

(Алессандро Дель Пьеро бетінен бағытталды)

Аллесандро Дел Пьеро (итал. Alessandro Del Piero; (9 қараша, 1974 жыл, Конельяно) — Италия футболшысы, шабуылшы. Карьерасының басым бөлігін "Ювентус" сапында (1993-2012) өткізген, бірнеше жыл клуб капитаны болды. 2006 жылғы әлем чемпионы.

Алессандро Дел Пьеро Футбол
сурет
Жалпы мағлұмат
Туған күні

9 қараша 1974 (1974-11-09) (49 жас)

Туған жері

Конельяно, Венеция

Азаматтығы

 Италия

Бойы

173 см[1]

Позиция

шабуылшы

Клуб жайлы ақпарат
Клуб

карьерасын аяқтады

Жастар клубы
1981—1988 Италия Сан-Вендемиано
1988—1991 Италия Падова
Клуб карьерасы[* 1]
1991—1993 Италия Падова 14 (1)
1993—2012 Италия Ювентус 513 (208)
2012—2014 Аустралия Сидней 48 (24)
2014—2015 Үндістан Дели Дайнамос 10 (1)
1991—2015 Барлығы 585 (234)
Ұлттық құрамы[* 2]
1991 Италия Италия-17 3 (1)
1992—1993 Италия Италия-19 14 (12)
1993—1996 Италия Италия-21 12 (3)
1995—2008  Италия 91 (27)
  1. Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады.
  2. Ресми матчтарда ұлттық құрамда болған ойындары мен голдар саны.

Карьерасы өңдеу

Клубтық өңдеу

Болашақ футбол жұлдыздарының көпшілігін алғашқы бапкерлеріне әкелері жетектеп алып келсе, кішкене Сандроны Умберто Престо атты бапкерге анасы табыстаған. «Ювенің» құрамында 20 жылға жуық өнер көрсетіп келе жатқан Аллесандроның тұңғыш командасы – жергілікті «Сан-Вендемьяно». Кейіннен «Падуяға» ауысып, 1991-1993 жылдар аралығында ойнайды.Италия футболындағы жарқ еткен жас талант бірден алпауыт клубтардың назарына ілігеді.

1993 жылы қос гранд : «Ювентус» пен «Милан» Дель Пьероға бір уақытта келісім шарт ұсынады. Болашағынан көп үміт күттірген жас жұлдыздың аңсары ауған Туриндік клуб – оның өмірлік таңдауы болды. «Падуядан» 2 млн АҚШ долларына сатып алынған Дель Пьеро 1993 жылдың 12-ші қыркүйегінде әлемнің таңдаулы лигаларының бірі А сериясындағы алғашқы ойынын «Фоджиге» қарсы өткізеді,ал «Реджинамен» болған келесі ойында тұңғыш голын соғады. Дель-Пьеро жалпы «Юве» құрамында 300 ден астам гол соққан.

1994/95 жылғы маусымда Дель Пьеро «Қарт Синьорамен» алғашқы чемпиондық атағына қол жеткізеді. Бұл маусымның есте қаларлық тағы бір жаңалығы – Италиялық тағы бір тарихи тұлға Роберто Баджодан «10» деген нөмірді мұра етіп алады .Сондай-ақ,Мистер Ювентус сөзсіз кез келген футболшының арманы – Чемпиондар Кубогін басынан асыра көтерген.1996 жылғы Чемпиондар Лигасының төртінші, Еуропа чемпиондарының Кубогінің қырық бірінші финалында туриндіктер голландиялық «Аякстан» басым түскен.

Жалпы Чемпиондар Лигасының финалдарында тағы үш рет ақ-қара жолақтылардың сапында ойнаған. Аллесандроның Италия Чемпионатының скудеттосы мен Чемпиондар Лигасының Кубогінен басқа да толып жатқан атақтары,қол жеткізген командалық жетістіктері бар.

"Ювентусте" ұзақ уақыт ойнап, тек 2012 жылы ғана Аустралияның "Сидней" клубына ауысты.

2015 жылы Үндістанның "Дели Дайнамос" клубында ойнап жүріп карьерасын аяқтады.

Ұлттық құрама өңдеу

Қатысқан турнирлері

Жетістіктері өңдеу

Командалық өңдеу

  • 2006-шы жылғы Әлем Чемпионы;
  • 2000 жылы Еуропаның вице-чемпионы;
  • 1992/94, 1994/96 жылдары 21 жасқа дейінгі ойыншылар арасында Еуропа Чемпионы;
  • 1995/96 жылы Чемпиондар Лигасының жеңімпазы;
  • «А» сериясының жеңімпазы (1994/95, 1996/97, 1997/98, 2001/02, 2002/03 (2004/05, 2005/06 жылдар — дауға байланысты саналмайды), 2011/12);
  • «Б» сериясының жеңімпазы (2006/2007 жылы);
  • Италия Кубогінің иегері (1994/95 жылы);
  • Италияның Суберкубогінің иегері (1995/96, 1996/97, 2001/02, 2002/03);
  • Еуропа Суперкубогінің иегері (1995/96 жылы);

Жеке өңдеу

  • 1998 жылғы Чемпиондар Лигасының үздік шабуылшысы;
  • 2007-08 маусымдағы Италия Чемпионатының үздік шабуылшысы;
  • 2006/07 жылғы «Б» сериясының үздік шабуылшысы;
  • «Ювентус» құрамында ең көп ойын өткізген және ең көп гол соққан ойыншы;
  • 2007 жылғы «Голден Фут» сыйлығының иегері;
  • ФИФА нұсқасы бойынша әлемнің үздік 100 футболшыларының құрамында;
  • Жаңа ғасыр табалдырығында Пеле жасаған әлемнің үздік 125 футболшыларының тізімінде;

Дереккөздер өңдеу

  1. Juventus.com - Card player first team. Juventus.com (2008). Тексерілді, 30 желтоқсан 2008.

Сілтемелер өңдеу