Алмар

Алмар
	; Leontodon hispidus
Ғылыми топтастыруы
Дүниесі:	Өсімдіктер;
Бөлімі:	Гүлді өсімдіктер;
Табы:	Қос жарнақтылар;
(unranked)	Asterids;
Сабы:	Asterales;
Тұқымдасы:	Asteraceae;
Кіші тұқымдасы:	Cichorioideae;
Тайпасы:	Cichorieae;
Кіші тайпасы:	Hypochaeridinae;
Тегі:	Leontodon; Карл Линней
түрлері
	50 түрі белгілі

Алмар (лат. Leontodon) – астралылар тұқымдасына жататын бір немесе көп жылдық шөптесін өсімдіктер туысы.

Солт. жарты шардың қоңыржай аймақтарында кездесетін 50-ден астам түрі белгілі. Қазақстанда далалық аймақтардың шалғынды жерлерінде, орман шеттерінде, бұталар арасында, бау-бақшаларда, жыртылған жерлерде өсетін 1 түрі – шырдаш А. (L. autamnalіs) бар. Биікт. 15 – 35 см, тамырсабағы қысқа, көптеген шашақ тамыры болады. Сабағы біреу немесе бірнешеуден, жалаң, кейде түкті жапырақсыз, жоғ. жағы бұтақталып, оның ұшында бір-бірден көпгүлді себеті жетіледі. Тамыр түбіндегі жапырақтары дегелектене шоғырланған. Гүлдері қос жынысты, сары түсті, тілшелі, себет гүлшоғырына топталған. Шілде – қыркүйек айларында гүлдеп, тамыз – қазанда жемістенеді. Тұқымының ұшында қауырсынды айдары бар. А-дың гүлінен аралар бал жинайды.