Альберт Васильевич Болотов

Альберт Васильевич Болотов (15 қыркүйек 1934 жылы, Алматы қаласы - 24.01.2021) – техника ғылымының докторы (1970 жылы), профессор (1971 жылы). Қазақ мемлекеттік ауыл шаруашылық институтын (1957 жылы, қазіргі Қазақ ұлттық аграрлық университеті) бітірген. 1957–59 жылдары Алматы 1-ГЭС-інің кезекші инженер, Қазақстан Ғылым Академиясы Алтай тау-металлургия ғылыми-зерттеу институтының кіші ғылыми қызметкері (1959–60 жылдары), Қазақ политехника институтының (қазіргі Қазақ ұлттық техника университеті) аға инженер, бас инженер, аға ғылыми қызметкері, лаборатория меңгерушісі, кафедра меңгерушісі, факультеттің деканы (1960–74 жылдары), Алматы энергетика институтының ректоры (1975–85 жылдары), кафедра меңгерушісі (1985–91 жылдары), ҚР Инженер академиясының вице-президенті (1991–96 жылы) болды. 1996 жылдан Алматы энергетика және байланыс институтында кафедра меңгерушісі қызметін атқарады. 400-ден астам ғылыми мақала мен 80 өнертабыс және 2 монографияның авторы.

Шығармалары

1. "Дуговые процессы и устройства для обработки материалов", (Учеб. пособие) / А. В. Болотов, Г. А. Шепель 60 с. ил. 20 см. Алма-Ата КазПТИ 1979;

2. "Технология электроплавленых огнеупоров", А. В. Болотов, Б. Ф. Норкин 125 с. ил. 20 см. Алма-Ата Наука 1981;

3. "Электродуговые промышленные установки",182 c. ил. 20 см. Алма-Ата Б. и. 1978;

4. "Электротехнологические установки", Учеб. для вузов по спец. "Электроснабжение пром. предприятий", А. В. Болотов, Г. А. Шепель 335,[1] с. ил. 22 см М. Высш. шк. 1988.

Сілтемелер

1. «Каменный век кончился не оттого, что камня стало мало» Болотов туралы мақала(қолжетпейтін сілтеме)

2. "Болотов Альберт Васильевич" Мұрағатталған 9 маусымның 2011 жылы.