Альванит

Альванит – ванадаттар тобының минералы. Химиялық формуласы: Al3(VO4)(OH)6·2H2O. Құрамындағы негізгі элементтерінің (алюминий, ванадий) алғашқы буындарымен аталған. Қоспа элементтері – кальций, магний, мырыш, никель, т.б. Моноклинді сингонияда алты бұрышты слюда тәрізді жалпақ пластинкалар түзейді. Түсі ашық жасыл, көк, жасыл сұр, шыныдай жылтыр, жеңіл тапталғыш. Қаттылығы 3,0 – 3,5, меншілікті салмағы 2,41 г/см3. А. ванадийлі жыныстардың тотығу қабаттарындағы қуыстарда түзіледі. Альванитті 1954 жылы Е.Н. Анкинович Қаратау ванадийлі шөгінділер арасынан тауып зерттеген. Альванит алғаш Қазақстанда ашылған минералдар қатарына жатады.