Басты мәзірді ашу

Амангелді Рысқалиұлы Рысқалиев

Амангелді Рысқалиұлы Рысқалиев 1949 жылы 25 қазанда Батыс Қазақстан облысы Орда ауданының Орда кентінде туған. Қазақ. Әкесі - Сариев Рысқали, марқум, ҰОС ардагері. Анасы - Сариева Үміт, марқұм, үй шаруасымен айналысқан. Д.И. Курский атындағы Саратов заң институтының заң факультетін бітірген (1972), құқықтанушы. Газеттер мен журналдарда жарияланған құқық тақырыбындағы 90-нан астам мақаланың авторы. Қазақ, орыс және неміс (сөздіктің көмегімен) тілдерін біледі. КОКП мүшесі (1970-1989).

  • 1966 жылдан - галантерея фабрикасының кешіруші суретшісі.
  • 1967 жылдан - «Басприволжқұрылыс» тресінің 31-ҚМБ ағаш ұстасы.
  • 1968 жылдан - әскерилендірілген өртсендіру күзетінің жауынгері.
  • 1971 жылдан - Орал облысы Шыңғырлау аудандық прокуратурасының тергеушісі.
  • 1973 жылдан - Ақтөбе облыстық сотының хатшылық меңгерушісі, сынақ мерзімінен өтуші,
  • 1974 жылдан - сот мүшесі.
  • 1980 жылдан - Ақтөбе облысы Пролетар аудандық сотының төрағасы.
  • 1985 жылдан - ҚазКСР Жоғарғы сотының мүшесі.
  • 1994 жылдан - Батыс Қазақстан облыстық сот төрағасының міндетін атқарушы.
  • 1995 жылдан - Батыс Қазақстан облыстық сотының азаматтық істер жөніндегі алқасының төрағасы.
  • 1996 жылдан - Батыс Қазақстан облыстық сотының төрағасы.
  • 2002 жылдан бері - ҚР Жоғарғы сотының судьясы.

Ақтөбе қаласының Пролетар аудандық халық депутаттары кеңесінің депутаты (1981-1983). Республикалық судьялардың тәртіптік-біліктілік алқасының төрағасы. «Үздік оқыту орталығы» комиссиясының төрағасы. «Құрмет» орденімен (2009); «Қазақстан Республикасының тәуелсіздігіне 10 жыл» (2001), «Қазақстан Конституциясына 10 жыл» (2005), «Астананың 10 жылдығы» (2008) мерейтой медальдарымен; ҚР әділет министрінің Құрмет грамотасымен марапатталған.

  • Діни көзқарасы - атеист.
  • Қазақстанның болашағы туралы болжамы - «Демократиялық, тәуелсіз, құқықтық мемлекет».
  • Хоббиі - балық аулау, ағаштан бұйымдар жасау, спорт (жүзу, шаңғы).
  • Сүйіп оқитын әдебиеті - А.Құнанбаевтың поэзиясы, тарихи шығармалар.
  • Үйленген. Жұбайы - Рысқалиева Рабиға Жаншақызы (1950 жылы туған). Ұлы - Рысқалиев Абай Амангелдіұлы (1972 жылы туған); қызы - Рысқалиева Жәния Амангелдіқызы (1974 жылы туған). Немерелері - Эльвира (1999 жылы туған); Әліби (2004 жылы туған); Камилла (2005 жылы туған); Ғалия (2007 жылы туған).[1]

ДереккөздерӨңдеу

  1. Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2