Аманхан Әлімов

Аманхан Әлімов — ақын. Қазақстан жазушылар одағының мүшесі (1976). 1980 жылы ҚазМУ-ді, 1993 жылы М.Горький атындағы Бүкілодақтық әдебиет институтын (Мәскеу) бітірген. "Алматықұрылыс" мекемесінде құрылысшы (1972-74) болған. Жазушылар одағының аударма бөлімінде (1989—90), Қазақ радиосында (1986-88; 1993-94), "Қазақстан пионері" (1981—82), "Лениншіл жас" (1982-85), "Түркістан" (1994), "Заң" (1994—98) газеттерінде, Алматы облысы ақпарат және қоғамдык келісім басқармасында (1998—99) жауапты қызметтер атқарған. 1999 жылдан "Заң газетінде". "Кездесу" (1983), "Жанымның жапырағы" (1989), "Ай нұры алақанымда" (1996; 2003), т.б. өлең кітаптары жарық көрген. М.Мақатаев атындағы сыйлықтың лауреаты (1994).