Анадолы таулы үстірті

Анадолы таулы үстірті — Түркия Республикасында, Кіші Азия таулы қыратының орталық тұсында орналасқан үстірт. Үстірттің оңтүстігін Тавр таулары, ал солтүстігін Понтий таулары қоршап жатыр. Жер бедері тегіс, басым көпшілік бетін шөгінді жыныстар жапқан. Кейбір тұстарда ұшырасатын қазан шұңқырларды аласа бұйраттар бөліп жатыр. Басым көпшілік жерінің биікт. 800-1500 м, ең биік жері — Эрджиес жанартауы (3770 м). Климаты субтропикалық континенттік. Жауын-шашынның орташа мөлш. орта тұсында 200 мм-ден, үстірттің шеткі аймақтарында 400-500 мм-ге дейін жетеді. Шөлейт далада өсімдік қалың өседі. Сор, сортаң жерлер жиі кездеседі. Орталық аймағында ірі тұзды көлдер (Тұз көлі) жиі кездеседі.