Антон Рохусович Шох

Антон Рохусович Шох (7 қаңтар 1960 жыл, Жамбыл — 7 наурыз 2009 жыл, Өскемен[1]) — КСРО-лық және қазақстандық футболшы, футбол жаттықтырушысы.

Антон Шох Футбол
Жалпы мағлұмат
Туған күні

7 қаңтар 1960 (1960-01-07)

Туған жері

Жамбыл

Қайтыс болған күні

7 наурыз 2009 (2009-03-07) (49 жас)

Азаматтығы

 КСРО
 Қазақстан

Бойы

188

Позиция

жартылай қорғаушы

Клуб карьерасы[* 1]
1978—1979 Кеңестік Социалистік Республикалар Одағы Химик ? (?)
1979—1985 Кеңестік Социалистік Республикалар Одағы Қайрат 170 (21)
1986—1989 Кеңестік Социалистік Республикалар Одағы Днепр 86 (5)
1990 Аустрия ЛАСК ? (0)
1990 Кеңестік Социалистік Республикалар Одағы Металлург (Запорожье) 25 (2)
1991 Израиль Хапоэль Цафририм ? (?)
1991 Кеңестік Социалистік Республикалар Одағы Ротор 14 (0)
1992 Украина Ворскла 0 (0)
1992 Украина Нива (Тернополь) 2 (0)
1992 Украина Кремень 2 (0)
1993 Финляндия РоПС 20 (1)
1994—1995 Украина Эвис 11 (3)
Бапкерлік карьерасы
1995—1996 Украина Эвис асс
1997 Ресей Спартак-Орехово асс
1998 Өзбекстан Навбахор асс
2000—2001 Ресей Сокол асс
2002 Ресей Ротор-д
2003 Ресей Ротор асс
2004 Қазақстан Атырау асс
2004—2005  Қазақстан асс
2004—2006 Қазақстан Қазақстан-21
2007 Ресей Содовик тренер
2009 Қазақстан Атырау
2009 Қазақстан Қазақстан-21
  1. Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады.

Карьерасы өңдеу

Футболшы өңдеу

Тегі Еділ маңындағы неміс. Әкесі Шох Рохус 50-жылдары репрессияға ұшырап, 2000 жылы ақталды.

1978 жылы "Химик" сапында карьерасын бастады. Тұңғыш ойынын 1979 жылы 24 мамырда "Мелиораторға" қарсы өткізіп, тоқсан минут толық ойнады да, бір гол соқты.

1979-85 жылдары "Қайратта" ойнап, 170-тен аса кездесуде алаңға шықты. "Қайрат" сапындағы тұңғыш ойынын 1979 жылы 1 қыркүйекте "Шахтер" (Донецк) клубына қарсы өткізді. Тұңғыш голын сол жылы 17 қазанда "Заря" қақпасына енгізді, бұл ойын 1:1 есебімен тең аяқталды. Екінші голын сол жылы 16 қарашада "Локомотив" қақпасына соқты. 1985 жылғы КСРО чемпионатында сегіз голдың авторы атанды. "Қайрат" сапындағы ең соңғы кездесуін 1985 жылы 19 қарашада болашақ клубы "Днипроға" қарсы өткізді, бұл ойында Шох бір гол соқты да, 80-минутта алмастырылды. Бұл кездесуде "Қайрат" 3:4 есебімен ұтылып қалды.

1986 жылы "Днипроға" ауысты. "Днипро" сапындағы тұңғыш ойынын 16 наурызда "Зенитке" қарсы өткізді. Тағдыр тәлкегімен, днипролықтар сапындағы тұңғыш голын сол жылы 2 мамырда "Қайраттың" қақпасына соқты, Алматыда өткен ойын 2:2 есебімен тең аяқталды. 17 қыркүйекте еуротурнирлердегі дебютін "Легияға" қарсы өткізді, бұл УЕФА кубогының бірінші кезеңі болатын.

1988 жылы 8 наурызда "Динамо Киевке" қарсы ойында команда капитаны ретінде алаңға шықты. КСРО чемпионы атанды.

1990 жылы Аустрияның ЛАСК клубымен келісім шарт жасасты. Кейін тағы да КСРО, Украина, Финляндия клубтарында ойнап, 1995 жылы карьерасын аяқтады. Сол жылы жаттықтырушы карьерасын Украинаның "Эвис" клубында бастады.

Бапкерлік өңдеу

2004 жылы 19 жылдық үзілістен соң Қазақстан футболына қайта оралып, "Атыраудың" бас жаттықтырушысы боп тағайындалды. 2004-05 жылдары Қазақстан Ұлттық футбол құрамасының бас бапкері Сергей Тимофеевтің көмекшісі болды. Сонымен бірге Қазақстан жастар құрамасының да бас бапкері қызметін қатар атқарды.

2009 жылы тағы да "Атырауға", сосын Қазақстан жастар құрамасына бапкер болды. Сол жылы наурыз айында "Восток"-"Атырау" матчынан соң кенеттен қайтыс болды. Волгорадқа, ата-бабаларының жанына жерленді.

Жетістіктері өңдеу

Днипро
  • КСРО чемпионы: 1988
  • КСРО чемпионатының күміс жүлдегері: 1987, 1989
  • КСРО кубогы: 1989

Дереккөздер өңдеу

Сілтемелер өңдеу