Аралтұз комбинаты

«Аралтұз» Комбинаты – Қызылорда облысында, Арал ауданында тұз өндірумен айналысатын кәсіпорын. Алғаш 1925 жылы тұз қазатын «Соль» артелі ретінде құрылды, 1927 жылы «Сольтрест» мемлекеттік кәсіпорнына айналды. 1958 жылы «Сульфатпен» (1932) қосылып, «Аралсульфат» болып аталды. Комбинатта тұз қазу, тұз өңдеу, тұз қаптау және қалталау, тұз жылы , механика, жылу, электр, құрылыс, автотрактор, қосалқы шаруашылық цехтары жұмыс істейді. Жылына 600 – 650 мың тонна аралығында тұз қазу, тасу, түсіру жұмыстары жүргізіледі. Комбинатта 1928 жылы ұзындығы 53 км. Арал-сульфат тұз жылы құрылысы басталып, 1932 жылы аяқталды. 1991 жылы жылына 620 мың тонна тұз ұсақтайтын «тұз майдалау» цехы іске қосылды. 1993 жылы «Аралтұз» АҚ болып қайта құрылды. 2013 жылы осы заманға сай жабдықталған цех ашылды. Жылына 130 000 тонна йодталған ас тұзы өндіріледі. Тұзды йодтау үшін йодты Алматыдан сатып алады. 1 тонна тұзға 63 грамм йод қосылады. Комбинаттың тұз өнімдері халықаралық стандартқа сай, жоғарғы сапа сертификатына ие. Комбинат өнімдерді Түркия және ТМД елдеріне экспортталады.

Дереккөздер өңдеу

“Қазақ Энциклопедиясы”, I-том