Арамжебір

Арамжебір (лат. Acinos) – ерінгүлділер тұқымдасына жататын бір немесе көп жылдық шөптесін өсімдіктер туысы.

Арамжебір
Acinos arvensis
Ғылыми топтастыруы
Дүниесі: Өсімдіктер Бөлімі: Гүлді өсімдіктер Табы: Қос жарнақтылар (unranked) Asterids Сабы: Lamiales Тұқымдасы: Lamiaceae Тегі: Acinos Карл Линней

Қазақстанда Қаратау мен Батыс Тянь-Шаньның, Қырғыз Алатауының тасты-тастақты оңтүстік беткейлерінде өсетін 1 түрі – иісті арамжебір (А. graveolens) бар. Биікт. 2,5 – 8 (12) см. Сабақтары төрт қырлы, ұсақ түкті, көкшіл түсті. Жапырақтары дөңгелек, ұзынша, сыртын түк жапқан. Гүлдері 4 – 6-дан шоғырланған. Тостағанша жапырақшалары қос ерінді, түкті. Күлтесі көкшіл, қызғылт күлгін түсті. Аталығы 4, екі жоғ. аталығы өте қысқа, екі төм. аталығы аналық мойнымен бірдей, бірақ күлте жапырағынан ұзын болмайды. Мамыр – шілде айларында гүлдеп, шілдеде жемістенеді. Жемісі – домалақ жаңғақша, қара қоңыр түсті.