Арақашықтық

(Ара қашықтық бетінен бағытталды)

Әскери істегі ара қашықтық өңдеу

Арақашықтық (лат. distantia — қашықтық) — сапта, жорықта немесе ұрыс алдындағы ретте әскери қызметшілердің, машиналардың, қарулардың, жіберу қондырғыларының, бөлімше немесе бөлімдердің (кемелердің) аралығындағы тереңдік бойынша қашықтық, сондай-ақ сапта немесе ұрыс ретіндегі ұшу кезіндегі ұшақтар (тікұшақтар) арасындағы аралық.[1]

Математикадағы ара қашықтық өңдеу

Ара қашықтық , математикада — маңызды геометриялық ұғым. Екі нүктенің ара қашықтығы осы екі нүктені қосатын түзу кесіндінің, нүктеден түзуге ( не жазықтыққа) дейінгі Ара қашықтық берілген нүктеден берілген түзуге (не жазықтыққа) түсірілген перпендикуляр кесіндісінің ұзындығына, ал параллель екі түзудің (не жазықтықтың) Ара қашықтығы осы түзулерге (не жазықтықтарға) жүргізілген ортақ перпендикуляр кесіндісінің ұзындығына тең болады. Сондай-ақ кеңістікте қиылыспайтын екі түзудің Ара қашықтығы осы түзулердің әрқайсысы арқылы жүргізілген өзара параллель екі жазықтықтың Ара қашықтығына (осы түзулерге ортақ перпендикуляр кесіндісінің ұзындығына) тең.

Дереккөздер өңдеу

  1. Қазақ тілі терминдерінің салалық ғылыми түсіндірме сөздігі: Әскери іс. Алматы:"Мектеп" ААҚ , 2001