Спартак көтерілісі: Нұсқалар арасындағы айырмашылық

Спартак көтерілісі – Ежелгі [[Рим|Римде]] б.з.б. 73/74 – 71 жылы болған құлдар көтерілісі. Көтерілісті құлдыққа сатылып, [[Капуя|Капуядағы]] гладиаторлар мектебіне түскен [[Спартак]] басқарған. Ол ежелгі авторлардың айтуынша римдіктерге тұтқынға түскен дакиялық тайпа көсемінің баласы болған. Көтеріліс барысында [[Спартак]] өзін шебер ұйымдастырушы әрі талантты қолбасшы ретінде көрсетті. Оның жасағының саны аз уақыт ішінде 10 мыңнан 70 мыңға дейін жетіп, көтеріліс Кампаниядан [[Италия|Италияның]] оңтүстік аймақтарына жедел тарады. Б.з.б. 72 жыды [[Рим]] сенаты көтерілісшілерге қарсы екі консул (Г.[[Лентул]], А.[[Гелий]]) әскерін жіберді. Бірақ бұлар Спартактан күйрей жеңілді. [[Спартак]] армиясының жеңісі [[Рим|Римнің]] іргесін шайқалтып кетті. Жер-жерде құлдар өз иелеріне қарсы көтеріліп, имениелерді өртеді, көтерілісшілерге қосылу үшін қашып жүрді. Көтерілісшілер [[Адрият]] тенізінің жағалауымен бүкіл [[Италия]], [[Цизалпия Галлиясы|Цизалпия Галлиясына]] дейін жетіп, [[Мутина]] маңындағы шайқаста [[Рим]] проконсулы [[Кассий]] әскерін күл-талқан етті. [[Рим]] сенатынан маза кетті. Олар көтерілісті басу үшін елдегі бүкіл әскерді жұмылдыруға кірісті. Құл иеленушілерден арнайы әскер жасақтала бастады. Оңтүсікке қарай бұрылған көтерілісшілерге қарсы жаңадан [[Красс]] армиясы, кейін [[Испания|Испаниядағы]] [[Гней Помпей]] басқарған армия, [[Фракия|Фракиядан]] [[Марк Лукулл]] жасағы жіберілді. [[Апуллия]] мен [[Лукания]] шекарасындағы шайқаста (71 жыл, көктемде) [[Спартак]] армиясы күйрей жеңілді, өзі қаза тапты.<ref>Қазақстан - спортшылар елі. Энциклопедиялық анықтамалық. - Алматы: "Сөздік-Словарь". ISBN 9965-822-57-3 </ref><ref> Қазақ энциклопедиясы</ref>