Доңызтау: Нұсқалар арасындағы айырмашылық

'''Доңызтау''' , Қабантау – [[Үстірт|Үстірттің ]]солтүстік мен [[Каспий ойпаты|Каспий ойпатының]] шектескен жеріндегі аласа [[тау]]. [[Ақтөбе облысы|Ақтөбе облысының]] Байғанин және [[Атырау облысы|Атырау облысының]] [[Жылыой ауданы|Жылыой аудандары ]] аумағында орналасқан. Абсолют биіктігі 215 м, салыстырмалы биіктігі 120 – 150 м. Оңтүстік-батыстан солтүстік-шығысқа қарай 75 – 90 км-ге созылған, енді жері 20 км. [[Жер қыртысы]] жоғары миоценнің оолитті әктастарынан түзілген. Таудың солтүстік беткейі тік жарлы, кемері [[сай]]-жыралармен тілімденген, етегінде [[Бұлақтар|бұлақ]]тар кездеседі. Көлбеу келген оңтүстік беткейі біртіндеп жазыққа ұласады. Сұр топырағында сұр [[жусан]], [[бұйырғын]], тасбұйырғын, [[күйреуік]] басым өскен. Мал жайылымы ретінде пайдаланылады.<ref>“Қазақстан”: Ұлттық энцклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998 ISBN 5-89800-123-9</ref>