Фарах Гимдеевич Камалдинов: Нұсқалар арасындағы айырмашылық

Content deleted Content added
Жаңа бетте: '''Фарах Гимдеевич Камалдинов'''(25.5.1914, Ресей, Томск облысы,Кривошейн ауданы,Нұрқай ауылы - ...
(Айырмашылық жоқ)

12:51, 2012 ж. қыркүйектің 9 кезіндегі нұсқа

Фарах Гимдеевич Камалдинов(25.5.1914, Ресей, Томск облысы,Кривошейн ауданы,Нұрқай ауылы - 1987, Қарағанды қаласы) - 2-дүниежүзілік соғысқа қатысушы, взвод командирі, ага лейтенант. Татарстанда 1933 жылдан Кеңес әскері қатарында қызмет етті. Хасан көлі (1938), Халхин-Гол өзені (1939) маңындағы ұрыстарға, 1939-40 жылы Кеңес-фин соғысына, Ұлы Отан соғысы жылдары Сталинград, Курск шайқастарына қатысты. Орталық майдан 13-армия 81-атқыштар дивизиясы 410-атқыштар полкі автоматшылар взводының командирі қызметінде 1943 жылы 5 шілдеде 254,6 м биіктікті (Орел облысының Глазунов ауданы) қорғауда жауынгерлік ерліктің айрықша үлгісін көрсетті. Оның взводы 6 танкіні, 150- ге жуық жау әскері мен офицерін жойды. Осы ұрыстарда көрсеткен ерлігі мен батырлығы үшін КСРО Жоғарғы Кеңесі Төралқасының Жарлығымен оған Кеңес Одағының Батыры атағы берілді (27.8.1943). 1946 жылы запасқа шықты. 1980-87 жылы Теміртау қаласында, 1986 жылдан Қараганды қаласында тұрды. Орел облысы Глазунов ауданының (Ресей) құрметті азаматы атанды. Теміртау қаласы №11 орта мектебінің жауынгерлік даңқ мұражайында жеке көрмесі орналасқан. Ленин, Қызыл Ту, 1-дәрежелі Отан соғысы, «Қызыл Жұлдыз» ордендерімен, медальдармен марапатталған.[1]

Дереккөздер

  1. А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х