'''Қадір түні'''<ref name="source1">Қазақ ұлттық энцеклопедиясы 4 том</ref> (араб. |لَيْلَةِ الْقَدْرِ — [[Ләйләт-ул-Қадыр]]) — [[қасиетті түн]]. [[Ораза]] ([[Рамазан]]) айының соңғы он күнінің бірінде болады. Бұл түн туралы [[Құран Кәрім]]нің “[[Әл-Қадр сүресі|Қадыр сүресі]]нде” айтылған. Бес [[аят]]тан тұратын сүреде [[Құран]]ның Қадір түнінде түсірілгендігі, оның мың айдан қайырлы екендігі, бұл түнде [[Жәбірейіл|Жәбірейіл періште]] Алла әмірімен жер бетіне түсіп, адамдарға қызмет ететіндігі және таңға дейін тыныштық болатындығы айтылады. Қадір түні періштелер [[мұсылман]]дарға дұға оқып, тілеулес болады. Жасалған ғибадаттың мың айға, яғни сексен үш жылға тең болатындығына байланысты мұсылмандар Қадір түнін құлшылықпен өткізуге тырысады. Кейбір [[рауаят]]тарға қарағанда Қадір түні. Рамазан айының 27-ші түні, дегенмен Қадір түнінің дәл қай түн екені белгісіз. Сондықтан тақуа кісілер Ораза айының соңғы он түнін түгелдей құлшылықпен өткізеді.<ref name="source1">Қазақ ұлттық энциклопедиясы 4 том</ref>
Мұсылман үмбетінің Құран Кәрімнің асыл аяттары түсе бастаған, нұр шашқан Рамазан айы да өрмектің жүзінен ауды. Қыркүйектің 20-сында Ораза айты басталады. Ал бүгінгі түн, яғни, қарашаның 15-інен 16-сына қараған түн - қасиетті Қадір түніне келеді.