[[Сурет:Aerial view of the Lower Paraná Delta, 2009-03-25.jpg|thumb|left|[[Парананың Дельтасы]]]]
'''Парана'''<ref name="source1">[[Қазақ энциклопедиясы]] 7 т,</ref> (үндістерше Parana — үлкен өзен) — Бразилия мен Аргентина жеріндегі өзен. Ішінара Аргентина мен Парагвай шекарасымен ағады. Ұзындығы 4380 км, алабының аумағы 2663 мың км2км² (Уругвай өзенімен бірге 2970 мың км2км²). Бастауын Бразилия таулы үстіртінен ағып шығатын Риу-Гранди және Паранаиба өзендерінен алады. Сол жағынан Тьете, Паранапанема, [[Игуасу]], [[Уругвай]], оң жағынан [[Парагвай]], Рио-Саладо салалары қосылады. Орташа су ағымы 17,5 мың м3/с. Парана Парана лавалық үстіртінен ағып өткенде шоңғалдар мен су құламаларын (Игуасу — биіктігі 72 м, Сети-Кедас — биіктігі 33 м) құрайды. [[Ла-Плата]] ойпатына шыққаннан кейін нағыз жазықтық өзенге айналады. Сағасында Уругвай өзенімен қосылып Ла-Плата эстуарий-шығанағын түзеді. Парана жаңбыр суымен толығып, жылына екі рет тасиды (қаңтар — мамырда және маусым — шілдеде). Сағасынан Посадас қаласына дейін кеме қатынайды. Су құламаларының бойында бірнеше қуатты электр станциялары салынған. Басты қалалары: Посадас, Корриентес т.б. (Аргентина); Ла-Плата жағалауында [http://www.vokrugsveta.ru/encyclopedia/index.php?title=%D0%91%D1%83%D1%8D%D0%BD%D0%BE%D1%81-%D0%90%D0%B9%D1%80%D0%B5%D1%81 Буэнос-Айрес] (Аргентинаның астанасы) және [[Монтевидео]] (Уругвай астанасы) орналасқан.