'''Мартөк ауданы''' — [[Ақтөбе облысы|Ақтөбе обл-ның]] солт-ндегі әкімш.-аумақтық бөлік. '''1935 ж.''' құрылған. Жер аум.аумағы ''6,6 мың км2''. Тұрғыны ''30,0 мың адам'' ('''2003'''). Орт. — '''Мартөк аулы.''' Аудандағы 19 елді мекен 13 [[ауылдық округ]]ке біріктірілген. Аудан жері негізінен жазық, солт-гі сәл қыратты келеді. Ең биік жері ауданның солт.-шығысында (''414 м''). '''Климаты айқын континенттік''', қысы — суық, жазы — ыстық. Ауаның жылдық орташа темп-расы қаңтарда ''–15 — 17С'', шілдеде ''21 — 23С.'' Жауын-шашынның жылдық орташа мөлш. ''220 — 250 мм''. Ауданның оңт.-батыс жерімен [[Елек өзені]] және оның салалары [[Ақсу]], [[Жамансу]], [[Тәңірберген]] (Танаберген) ағып өтеді. Шығ-н бойлай [[Жайық өзені|Жайық өз-нің]] саласы [[Қиялы Бөрте өзені|Қиялы Бөрте өз.]] ағады. Бірнеше ұсақ көлдер бар. Аудан аумағында құрғақ дала белдеміне тән топырақ жамылғысы қалыптасқан.