Түркістан Уәлаятының Газеті: Нұсқалар арасындағы айырмашылық

'''Түркістан Уәлаятының Газеті'''– [[Ташкент|Ташкентте]] [[Туркестанские ведомости]] газетіне қосымша ретінде тұңғыш [[қазақ]] тілінде шыққан аударма [[газет]] (1870 – 82). [[Түркістан генерал-губернаторы|Түркістан генерал-губернаторының]] ресми органы. Бұл тек қазақ тілінде емес, жалпы [[Ресей]] империясының қол астындағы барша түркі халықтары тілінде шыққан алғашқы мерзімді басылым болды. ''“Түркістан Уәлаятының Газеті”'' белгілі мақсатта [[патша]] [[үкімет|үкіметінің]] шешімі бойынша жергілікті әкімшіліктің бақылауымен және қаржыландырумен шыққан ресми [[газет]]. Оның пайда болуының және мерзімді басылым ретінде қалыптасуының негізгі обьективті алғышарты қазақ жерін отарлаудың одан әрі күшеюі болды. Газет патшаның отаршылдық саясатына көмектесу, [[Ресей|Ресейге]] жаңадан қосылған өлкенің [[табиғат]] байлығын орыс капиталының талабына сай жан-жақты зерттеу мақсатында 12 жыл бойы шығып тұрды. Сонымен қатар [[газет]] бұқараның санасын уландыру, жергілікті [[мұсылман]] халықтарын өздерінің [[Дін|дінінен]], [[Тіл|тілінен]], ділінен айыру, түптеп келгенде [[Орыстар|орыстандыру]] мақсатында пайдаланылды. “Түркістан Уәлаятының Газетінің” алғашқы редакторы шығыстанушы [[ғалым]]Шаһмардан Мирасұлы Ибрагимов|Ш.М. Ибрагимов]] болды. [[Газет]] алғашында ''“Туркестанские ведомости”'' газетінің қосымшасы ретінде айына төрт рет, екі саны [[қазақ|қазақша]], екі саны өзбекше, 200 – 250 таралыммен шығып тұрды. өлкеде болып жатқан [[саяси]]-[[экономикалық]], [[әлеуметтік]], [[мәдени]], т.б. сипаттағы үрдістер газет бетінде белгілі бір [[Дәреже|дәрежеде]] бейнеленді. “Түркістан Уәлаятының Газеті” шығып тұрған кезең қазақ халқының тарихында оларды толық және түпкілікті отарлау мақсатында жүргізілген кең көлемді шаралардың басталуымен ерекшеленеді. Сондықтан “Түркістан Уәлаятының Газеті”, ең алдымен Ресей империясының [[Түркістан]] жерін отарлау тарихының [[дерек]] көзі болып табылады.<ref>[[Қазақ Энциклопедиясы|”Қазақ Энциклопедиясы”]] 9 том</ref><ref> Отырар. Энциклопедия. – Алматы. «Арыс» баспасы, 2005 ISBN 9965-17-272-2 </ref><ref>“ Қазақ әдебиеті. Энциклопедиялық анықтамалық. - Алматы: «Аруна Ltd.» ЖШС, 2010.ISBN 9965-26-096-6 </ref>