/шын есімі Мәнсия/ Жиенғалиқызы /[[1922]], Орал обл. Орда ауд., - 16.10.[[1943]]/ - қаһарман [[қазақ]] қызы, Кеңес одағының Батыры /1944/. Ата-анасынан ерте айырылған М. балалық, жастық шағын Алматыда Ә.Мәметованың тәрбиесінде өткізеді. Ұлы Отан соғысы басталған кезде Алматы мед. ин-тында оқып жүрді. 1942 ж. тамызда ол өз еркімен Қызыл Армия қатарына алынып, 21- атқыштар дивизиясының құрамында ұрысқа қатысты. Аға сержант, пулеметші М. ұрыстарда өзінің мергендігімен және тобында батылдығымен көзге түсті. Невель қ: үшін болған кескілескен шешуші ұрыста М. ақтық демі біткенше пулеметтен оқ боратып, қаһармандықпен қаза тапты. Павлодар обл-ның колхозшылары Батыр қыздың құрметіне М. атынд. танк колоннасын құруға қаражат жинады. Туған жерінде оған ескерткіш орнатылған, Невель, Алматы, Орал, т.б. қ-ларда М. атында көшелер бар. Республиканың ондаған мектептері, Қызылордадағы қыздар педучилищесі М. есімімен аталады. Қаһарман қыздың өмірі мен өшпес ерлігі жайлы "Мәншүк туралы жыр"
/авторы - А.Михалков-Кончаловский, режиссері М.Бегалин/ көркем фильм түсірілді.
