Жанбек Торжанұлы: Нұсқалар арасындағы айырмашылық

Content deleted Content added
Жаңа бетте: '''Жанбек болыс''' Торжанұлы. Тама тайпасының Жабал руынан. "1861 жылы дүниеге келіп, 1918 жылы дүие...
 
Өңдеу түйіні жоқ
1-жол:
'''Жанбек болыс''' Торжанұлы. Кейде Жанбекті Жәмбек, Жәнбек, Жәнібек деп атап, жаза беретіні бар. Тама тайпасының [[Жабал]] руынан. "1861 жылы дүниеге келіп, 1918 жылы дүиеден өткен. Жанбек тілі майда, ұтып сөйлейтін, сөзге шешен адам болған. Ол кісінің ел жадында сақталған қасиеті, әділдігі, қара қылды жарған билігі. Ақмолада совдеп құлаған жылы 57 жасында қайтыс болды деп әңгіме қылады Бұралқы" деп жазады "Жаңаарқа" энциклопедиялық жинағында.
Торжан Тама руының атақты адамының бірі болған. Ол [[Мекке]]ге барып Торжан әжі аталады. Ол кезде кейбір ауылдың аттары сол ауылдан шыққан атақты адамның атымен аталған. Торжан да сондай адамның бірі болып, ол ауылдың адамдары мақтаныш ретінде Торжан ауылының адамымыз дейтін болған. Торжанның баласы Жанбек жеті рет болыс болып сайланған. Жанбектің қыс қыстауы Шу өзені бойындағы [[Тасты]] деген жерде болады. Тастының жанында [[Жанбектің ағаш үйі]] деген жер бар. Жаз жайлауы Арқадағы Жетіқоңырда болған. Қазақстанның бір бөлігін [[адмирал Колчак]]тың атамандары басып алған кезде Жанбек болыс амалсыздан мал-жанынан айрылып қалмау үшін олармен байланыс жасайды. Сондықтан Колчак Жанбекті хан деп атаған екен.<ref>С.Тәбірізұлы. Созақ өңірі. Дәуір баспасы, 2007 ж. ISBN 9965-749-84-1</ref>
Торжан тұқымындағы Қыстаубайұлы Нарымбеттің айтуына қарағанда Жанбек өте сұлу, ажарлы адам болған екен. Құлынның терісінен тігілген сырт киімі болады екен. Екі иығы құлынның қара жонымен әспеттеліп келіп, құлын құйрығымен шашақталып тігілген. Өзі жылы, өзі әсем тігілген [[жарғақ]] болған екен. Бір жиында тұрғанында бір әйел келіп Жанбекті көріп қалып, сұлулығына таң қалып ішегін тартқан екен. Сонда Жанбектің іші мұздап қоя берген екен. Сол жиыннан ауылына келгеннен соң қайтыс болып кетеді. Нарымбет «Жанбек ағай жас кетті ғой, көз тиіп» деп отырушы еді. Жанбектен кейін баласы Төленбек те болыс болған екен. Жанбектің мазары Қарағанды облысы [[Жаңаарқа ауданы]] [[Қызылжар]] темiржол бекетiнен оңтүстік-шығысқа-қа 46 шақырым жерде, Сарысу өзенiнiң сол жақ жағасында. Қарағанды облысының жергiлiктi маңызы бар тарихи-мәдени ескерткiштерiнiң Мемлекеттiк тiзiмiнде 1300-тізімде жазылған.