Табиғатта фосфор тау жыныстары мен минералдарда қосылыс түрінде кездеседі. Мысалы, фосфорит және апатитте кальций фосфаты Са<smallsub>3</smallsub>(РO<smallsub>4</smallsub>)<smallsub>2</smallsub> түрінде болады. [[Қазақстан]]да [[Жамбыл облысы]]ндағы [[Қаратау]] маңында фосфорит кенінің мол коры бар екені 1935 жылдан белгілі. Қазір Қаратау бассейні негізінде "Жаңатас байыту комбинаты" жүмыс істейді. [[Ақтөбе облысы]]нда фосфорит кен орнын (Шилісай, т.б.) игеру жоспарланып отыр. Осы кен орындары негізінде фосфорды өңдейтін зауыттар [[Тараз]]да, [[Шымкент]]те және Ақтөбеде бар.
Азот тәрізді фосфор да өсімдік пен жануар нәруызының негізгі құрам бөлігі. Фосфор өсімдіктердің дәнінде, жануарлардың сүтінде, қанда, ми мен жүйке ұлпаларында кездеседі. Мысалы, ересек адамдардың сүйегінде 600 г, ет ұлпасында 56 г, жүйке жүйесінде 5 г-ға дейін фосфор болады.
Барлық сүтқоректілердің сүйегі құрамында фосфор Са<smallsub>3</smallsub>(РO<smallsub>4</smallsub>)<smallsub>2</smallsub> немесе ЗСа<smallsub>3</smallsub>(РO<smallsub>4</smallsub>)<smallsub>2</smallsub>СаСO<smallsub>3</smallsub>Н<smallsub>2</smallsub>O түрінде болады. Осындай фосфаттар сүтқоректілер қаңқасына беріктік қасиет береді. Жануарлар мен адамдар фосфорды өсімдік арқылы қабылдайды. Фосфор қосылыстары тіршіліктегі барлық зат алмасу процестеріне қатысады.
