'''Үлкен Шаған''' — [[Батыс Қазақстан]] облысы]] [[Зеленов]] ауданындағы ауыл, [[Көшім]] ауылдық округ орталығы. Аудан орталық [[Переметное]] ауылынан оңтүстік-шығысқа қарай 42 км жерде, [[Жайық|Жайықтың]]тың Көшім тармағы бойындағы [[қамыс]], [[құрақ]], [[аралас боз]], [[бетеге]], т.б. әр түрлі шөптесін өсімдіктер өскен шалғынды қоңыр, қызғылт қоңыр топырақты құрғақ далалық белдемде орналасқан. Тұрғыны 1,6 мың адам ([[2006]]). [[1961]] — [[1997]] жылы “Көшім” астық өсіру кеңшарының орталығы болған. Оның негізінде [[1997]] жылдан Үлкен Шағанда және округке қарасты [[Балаған]], [[Владимировка]], [[Колесово]], [[Көшім]], [[Кіші Шаған]] және [[Степное]] елді мекендерінде ЖШС-тер мен шаруа қожалықтары жұмыс істейді.
==Сілтемелер==
[[Қазақ Энциклопедиясы|"Қазақ Энциклопедиясы"]], 9 том
