'''Қайрақты қорғасын кені'''- [[Қарағанды]] облысы]] Шет ауданында [[Ағадыр темір жол]] станцияның солтүстік-шығысында орналасқан (40 км). 1944 – 54 ж. толық барлау жүргізілді. Кен орны шығыс және батыс синклинальдарынан құралған. 1944 жылдан барит-полиметалл кендері өндіріледі. Кен фаменнің (девон) әктастарында, тас көмірдің саз-карбонат жыныстарында орналасқан. Линза тәрізді кентас денелері құмтас қат-қабаты мен саз-карбонат қабаттары аралығында жатыр. Кен денелерінің ұзындығы 100 – 350 м, құлау бағытының ұзындығы 160 – 300 м, қалыңдығы 12 – 40 м, кей жерінде 5 – 12 м. [[Кентастар]], [[негізінен]], [[барит]], [[галенит]], [[сфалерит]], [[халькопирит]],<ref>Қарағанды. Қарағанды облысы: Энциклопедия. - Алматы: Атамұра, 2006. ІSBN 9965-34-515-5</ref> [[пирит]] минералдарынан құралады; олардың ішінде қорғасын, мырыш, мыс, барит негізгі құраушылар болса, ал күміс қосалқы құраушы болып саналады. Кен орнының негізгі қорлары қазылып алынған.<ref name="test">Қазақ энцклопедиясы</ref>
