'''Құдайберген Мағзұмұлы Сұрағанов'''(25.5.1921 жылы туылған, [[Павлодар]] облысы]],Тереңкөл ауданы,Сұлуағаш ауылы) - 2-дүниежүзілік соғысқа қатысушы, взвод командирі, аға лейтенант,қазақ.[[1940 жылы]] Павлодар қаласындағы педагогикалық училищені бітірген. Соғысқа дейін орта мектепте мұғалім болды. 1941 жылы кіші лейтенанттар курсын бітіріп, 1-Беларусь майданы 33-армия 142-артиллериялық бригада құрамында [[Ұлы Отан соғысы]]на қатысты. Сталинград түбіндегі шайқаста ауыр жараланып, госпитальда болды. Кейін Сұрағанов [[Беларусь]], [[Литва]], Польшаның көптеген қалалары мен селоларын азат етуге қатысты. [[Днепр]], [[Висла]], [[Одер]] (Одра) өзендерінен өтті. Одер-Шпре (Шпрее) өзендері аумағындағы операцияларда айрықша ерлігімен көзге түсті. Одердің батыс жағалауындағы шайқастар кезінде Сұрағановтың артиллеристері 49-атқыштар дивизиясының жаяу әскерлерімен бірге жылжып, оны үздіксіз қолдап отырды. Сонымен қатар батарея командирі барлау ісін де шебер ұйымдастыра білді. [[Одер-Шпре]] операциясы барысында Сұрағановтың зеңбіректері жаудың 100-ден астам әскері мен офицерін жойды. КСРО Жоғарғы Кеңесі Төралқасының Жарлығымен Сұрағановқа батылдығы мен тапқырлығы үшін [[Кеңес Одағының Батыры]] атағы берілді (15.5.1946). Соғыстан кейін Сұрағанов туған еліне оралды. [[Қазақ педагогикалық институты]]н (қазіргі Қазақ Ұлттық педагогикалық университеті), кейін аспирантурасын бітірді. 1955 жылдан Қазақ қыздар педагогикалық институтында (қазіргі Қазақ мемлекеттік қыздар педагогикалық университеті) геометрия және математиканы оқыту методикасы кафедрасында доцент қызметін атқарды. Қалған деректер мұрағаттық ізденуді қажет етеді.<ref>А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет.
