Тараз мемлекеттік университеті: Нұсқалар арасындағы айырмашылық

ТарМУ-де 15 факультет: ғылым жаратылыстану, педогогиялық, әлем тілдері, заң, экономика және бизнес, жеңіл және тоқыма, тамақ және өңдеу, механикаландыру және энергетика, табиғатты үйлестіру және құрылыс, ақпараттық жүйе, инжинер-техникалық мамандықтар, сырттай инжинер-экономикалық, сырттай педогогиялық, сондай-ақ, қоғамдық мамандықтар бойынша 76 кафедра жұмыс істейді, 17000-нан аса студент оқиды.

Оқу процесі мен ғылыми зерттеулерді қамтамасыз етуге оқу-әдістемелік бөлім, оқу-әдістемелік бірлестік, ақпараттық есептеу орталығы, білім аудитінің оқу орталығы, дистанциялық (қашықтан) оқыту орталығы, оқытудың техникалық құралдары бөлімі, ғылыми-зерт. бөлімі, ғылыми кітапхана, баспахана, спорт клубы, т.б. бөлімдер қатынасады. Оқу процесінде қазіргі заман талабына сай технологияларды енгізуге және талдауға үлкен көңіл бөлінеді. Тестілеу орталығында студенттердің білімінің тәуелсіз аудитін жүргізумен қатар оларды модельдік-ротингтік жүйемен оқыту қамтамасыз етілген және оқу процесіне енгізілген. [[Экономика]], [[педагогика]], гуманитариялық, заң, техникалық салалардағы оқу пәндері бойынша тестік тапсырмалар қоры жасалынған. Бұл оқу процесін көрнекті және икемді етуге, пәндердің құрылымын жаңа талаптарға сәйкестендіріп, жүйелеп қайта қарауға мүмкіндік берді. Университеттің техникалық жағының жабдықталуы студенттерді оқытуда ең соңғы үлгідегі құралдарды пайдалануға және бәсекелестікке бейім маман даярлауға мүмкіндік береді. Оқу-әдістемелік бірлестік білім стандарттарының жалпы мемлекеттің міндетті стандартқа сай болуын қадағалайтын құрылым болып табылады. ТарМУ білім берудің мемлекеттік стандарттарын жасауда суландыру және технолог. бағыттардағы 11 мамандық бойынша базалық университет, сонымен қатар педогогиялық бағыттағы 6 мамандық бойынша мемлекеттік стандарттар авторларының бірі болып табылады.