Бата: Нұсқалар арасындағы айырмашылық

'''Бата'''<ref>Жантану атауларының түсіндірме сөздігі. — Алматы: "Сөздік-Словарь", 2006. - 384 бет. ISBN 9965-409-98-6</ref><ref>“Қазақ әдебиеті. Энциклопедиялық анықтамалық. - Алматы: «Аруна Ltd.» ЖШС, 2010.ISBN 9965-26-096-6 </ref>, бата беру — [[адал]] [[ниет]], жақсы [[тілек]] білдірудің ұлттық [[Дәстүр|дәстүрі]]. [[Дастарқан]] басында, түрлі [[жиын]]-тойларда, т.б. адам өмірінде кездесер ірілі-ұсақты қуаныштар кезінде [[той]], қуаныш иесіне арнап қол жайып, бата береді. Сондай-ақ, қиын [[сапар]], алыс жолға аттанған азаматына ақ жол тілейтін халқымыздың ежелден келе жатқан, кең таралған дәстүрлерінің бірі. Бата беретіндер, көбіне, көпті көрген [[ақсақал|ақсақалдар]] мен [[кемеңгер]] де дуалы ауызды [[би|билер]] болып келеді. Бата қысылғанда — қуат, қиналғанда—[[медет]] беріп, әрбір іс-әрекетіңе даңғыл жол ашып, бәле-жаладан қорғайды деп есептелген. Бата көзі тірілерге ғана емес, аруақтарға да жасалған. Батасыз, тілексіз өмір болмайды. “Батамен ер көгереді, жаңбырмен жер көгереді” деп халқымыз текке айтпаған. Батаның да қисыны, айтылатын, айтылмайтын жері болады, [[қуаныш]] пен тойдың ретіне қарай, соған лайық Бата тілегі болады.<ref>“Қазақстан”: Ұлттық энцклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998 ISBN 5-89800-123-9</ref>