Төлеген Мүсілімұлы Ермеков

ЕРМЕКОВ Төлеген Мүсілімұлы (28.12.1936, Алматы қ. – 8.4.2001, сонда) – тех. ғыл. докт. (1992), Қазақстан ҒА-ның корр. мүшесі (1994). Қарағанды политех. ин-тын бітірген (1962). Қазақстан ҒА-ның Матем. және мех. секторында аға лаборант, аға инж. (1962–66), Қазақстан ҒА-ның Тау-кен ісі ин-тында аспирант, аға ғыл. қызметкер (1966–88) болып қызмет істеген. 1989 жылдан өмірінің соңына дейін осы ин-тта лаборатория меңгерушісі болды. «Геомеханическое обеспечение устойчивости очистного пространства при разработке мощных пологих рудных залежей камерно-столбовой системой» деген тақырыпта докт. дисс. қорғады. Оның ғыл.-зерттеулері геомеханика проблемаларына арналған. Ол тау жыныстарын теор. және тәжірибелік әдістермен зерттеу нәтижесінде тазартпа кеңістігінің тұрақтылығын, қауіпсіздігін қамтамасыз ету мәселесін шешті.