Раиса Кәрімқызы Ермекова

ЕРМЕКОВА Раиса Кәрімқызы (2.2.1941 ж.т., Қарағанды обл. Тельман ауд. Токаревка кенті) – мед. ғыл. докт. (1981), проф. (1986), Қазақ КСР-інің еңбек сің. ғыл. қайраткері, ҚР Мед. ғыл. академиясының корр. мүшесі (1995). Қарағанды мемл. мед. ин-тын (1965, қазіргі Қарағанды мемл. мед. академиясы) бітірген соң осында стажер-ізденуші (1965–66), кіші (1966–71), аға (1971–83) ғыл. қызметкер болып істеді. 1983 жылдан Қазақстан ҒА-ның Өлкелік патология ғыл.-зерт. ин-тында лаборатория меңгерушісі қызметін атқарады. 1980 ж. «Полиаллергия в эксперименте» деген тақырыпта докт. дисс. қорғады. Оның негізгі ғыл.-зерт. еңбектері теор. және клиник. аллергология мәселелеріне арналған. Е. 250 ғыл.-зерт. еңбектің, оның ішінде 4 монографияның авторы; 11 авторлық куәлігі бар. Қазақ КСР-і Мемл. сыйл. лауреаты (1980).