Қажымұқан Тохтиярұлы Арынов

Арынов Қажымұқан Тохтиярұлы (1956 ж.т., Алматы облысы Еңбекшіқазақ ауданы Шелек ауылы) – техникалық ғылымдарының докторы (1995). ҚазМУ-дың (1978, қазіргі ҚазҰУ) химия факультетін бітірген. Қазақстан Ғылым Академиясының Химия ғылымдарының институтында аға лаборант, ғыл. қызметкері, зертхана меңгерушісі, институт директорының орынбасары, Алматы-экологострой ғылыми-өндірістік басқармасы бас директорының 1-орынбасары болды. 1997 жылдан Алматы қаласының экология және биоресурстар басқармасы бастығының орынбасары, бастығы қызметін атқарады. Ғылыми жұмыстарының негізгі бағыты – қоршаған ортаны қорғау мәселелеріне арналған. Арыновтың 150-ден астам еңбегі, оның ішінде 2 монографиясы жарық көрді.