Танагүл Әкімбайқызы Арыстанова

Арыстанова Танагүл Әкімбайқызы (1953 жылы туған, Оңтүстік Қазақстан облысы Түлкібас ауданы Жабағылы ауылы) – фармацевтика ғылым докторы (2001), профессоры (2003). Алматы мемлекет медицина институтын (1977, қазіргі Қазақ ұлттық медицина университеті) бітірген. 1977–80 жылы Орал қаласында дәріханада, 1980–81 жылы Оңтүстік Қазақстан мемлекет медицина академиясының Шымкент бөлімшесінде оқытушы, 1981–84 жылы Мәскеу қаласындағы Бүкілодақтық ғылым-зерттеу институтының аспиранты, 1984 жылдан Оңтүстік Қазақстан мемлекет медицина академиясында кафедра меңгерушісі. Негізгі ғылым еңбектерінің бағыты Отандық өсімдік шикізатынан дәрілік препараттар дайындау мәселелеріне арналған.

Строка с отступом Арыстанованың басшылығымен биосластилин субстанциясы, «Рувимин» таблеткасы мен капсуласы, «Гликардин» таблеткасы, глидеринин натрий субстанциясы, «Глинатин» жағар майы алынып, өндіріске енгізілді. «Мия тамыры негізінде дәрілік препараттарды алу және өндіру» ғылым-техникалық бағдарламасы орындалды, 3 жаңа туберкулезді емдейтін және 2 гепатология мен кардиологияда қолданылатын мия тамырынан алынған аралас дәрілік препараттар алынып, клиникаға дейінгі зерттеуден өтуде. 300-ден астам ғылым еңбектің, оның ішінде 2 монографияның, 9 оқу құралының және 9 патенттің авторы. Арыстановаға «Қазақстанның өсімдік және жасанды шикізаттарынан отандық жаңа дәрілік заттарды өндіру» еңбек топтамасы үшін Қазақстан Мемлекет сыйлық берілді (2003).